Mamamanis・湊B日誌

老實講申請證件真係好麻煩，好複雜⋯各項唔同別類既表格，望見都頭暈⋯ 上回講到我帶左豆豆去旅行 ( BLOG HERE ) ，即係我地已經幫豆豆齊晒文件喇！ 身份證+護照(要一齊用) , 回港證 等我講解下申請證件需要既野同小小貼士啦！ 申請表格可以係邊到攞？ 其實所有申請表格係唔駛自己印，可以係郵政局或入境事務處拎。 或者去入入境事務處下載， 我會o係下面列晒傳送門俾你地，等你地方便下載。 辦理出生登記（出世紙） 費用：$140，其他收費可以參考： [收費表] 新生嬰兒出世後42日內需要電話或網上預約辦理出生登記，我諗好多媽媽都會顧住湊B、坐月唔得閒去， 其實BB唔駛親身去， 只要父或母其中一人去就可以！ 辦理出生登記係冇表格填的，但需要以下既資料及文件： 嬰兒中英文名、出生地點、日期、性別、國藉 父母中英文名、身份證及旅遊證件號碼 父母結婚證書號碼、結婚日期及地點 父母聯絡電話及地址 父母身份證正本 結婚證書正本 豆豆既出生登記係經電話語音服務 預約 既，真係超好方便，而月 好多日子可以選擇。 當日豆爸跟返預約時間去辦理，15分鐘就已經完成，好快呢！ 登記熱線 ： 2598 0888 －－－－－－ 出生證明唔需要BB相片，手續又簡單，但旅遊證件同回港證要填表格，又要BB相， 你要知道影初生相真係好難架，唯其佢地訓覺次數咁頻密，落影相舖影又怕佢唔識望鏡頭⋯ 所以我係自己幫豆豆影完再用photoshop整走背景再用相機紙印的！ 事前準備~影證件相!! Size：40mm x 50mm，頭要佔32-36mm 趁豆豆飲完奶兼剛訓醒精精神神，即刻將佢放係三角枕上面影相！ 影左數十張應該都會有幾張滿意，後來揀左張佢個樣OK， 但咁岩有我隻手阻住晒⋯ 不過唔怕，揀返其他身OK既再photoshop返落去就可以喇！ 記得將背景退地至純白色先合格丫！ 搞掂！ 如果唔識photoshop，入境處外都好多人撩影相的，或者普通影相鋪都得，但就較貴了。 自己影，自己印成本極低呢！ 有興趣可以留言，多人既可以開post教點樣photoshop～ 有BB相後就可以正式填表格申請喇！ －－－－－－ 香港永久性居民...

又到轉季時間，豆媽自從生完豆豆要捱夜餵奶，結果懶左護膚，前排見到細紋多左， 乾紋出晒黎， 係時候要 敷面膜 急救！ 以前最常用既面膜離唔開日、韓、台， 今次我試用既係 RAY－ 來自泰國妝蕾®蠶絲面膜， 其實我對泰國牌子既護膚品引象唔錯，泰國野出名平、靚、正， 呢隻面膜仲係用 蠶絲造， 夠貼臉， 滲透力強過 普通面膜好多， 最重要既係 蠶絲入面既酪氨酸可以抑制皮膚黑色素形成。 之前香港未有代理既時候，網店賣百幾蚊一盒，大約$2x塊，仲要擔心真偽⋯ 而加有香港有代理， 仲o係SASA、萬寧等地方上埋架， 唔駛再等代購，仲一定係正貨 ， 一盒有 十片，獨立包裝 😱😱重點係為返$7一塊咋！ 面膜有金銀兩色兩款，成份都係天然既， 前日去萬寧，姨姨極推介呢款面膜比我，佢話好抵用，而且CP值極高， 連范冰冰同電影「美人魚」女主角林允都用 RAY MASK， 今次有得試用呢款大熱面膜，就等我試下係咪有用喇！ 包裝實而不華，唔係好起眼。 銀色 $73， 金色 $78 銀色 成份：海藻，蝸牛原液，膠原蛋白 銀色 功效：提亮膚色 — 收細毛孔 — 持久保濕 金色 成份： 金箔，蝸牛原液，膠原蛋白 金色 功效： 緊緻彈潤  —  淨斑亮白  —  淡紋去痘 如果你想知自己買既係咪正貨， 可以刮左包裝上既QR 塗層再用手機掃下， 入官網打 防偽驗証碼就知道係咪正貨喇！ 刮左包裝上既QR 塗層， 用手機掃QR CODE ＊＊為左防止非法商人重覆使用驗証碼， 每盒產品只可以對應一次＊＊ 用過 蠶絲 面膜就知佢質地好薄，所以 每片都有 珠光膜同藍色定型膜。 蠶絲面膜出面薄，果然貼服。 我會將包裝入面多餘既精華搽o係頸同手爭位， 敷15-20分鐘後再將精華按摩幾分鐘，等皮膚吸收，再用爽膚水清潔一次就OK。 Day1－敷完後保濕度由35.6%去到44.5%😍 因為係急救，所以我金銀兩隻隔住咁用，達至最佳效果。 精華液有小量金箔 其實陀緊豆豆個陣已經多左 斑 ，有 淡 斑功能既當然要試喇！ Day2－敷完後保濕度由37.3%去到52%，明顯地金色較保濕呢！ 自從敷過蠶...

懷孕期間 20週後胎兒已經有聽覺， 30週後有光感反應， 係時候可以胎教架喇！ 身邊既孕媽 媽有用唔同方法做胎教 黎 進胎兒 腦部發展， 好似： 胎教機：模仿人類既心跳聲 光照：30週後用電筒照向肚皮，胎兒會轉向光源個邊。 撫摸：訓前胎動特別強烈，將自己平躺放鬆，輕輕撫摸同按壓肚皮。 音樂：刺激胎兒聽覺器官既神經功能。 我 對胎教半信半疑，真係有用？出世後 會唔會醒D？好湊D？ 雖然豆豆當時仲未出世，但已經想俾最好既野佢， 不過我冇買 胎教機， 亦都冇聽 古典音樂， 我 選擇左買「 迪士尼美語世界」。 點解 揀迪士尼美語世界？ 因為 佢 可以做到胎教之餘，仲可以俾小朋友用到6歲！ 我母語係廣東話，豆豆出世後當然想用母語同佢傾計， 但亦都想佢英文叻D， 呢套教材就可以 俾佢 學習時吸收英語喇！ ＊＊語言學習門三歲前都仲開緊，唔好睇少佢地， 佢地可以理解三文兩語架！＊＊ 呢度係成套教材既真身，個木造書架係附送的，好重工丫！ 買教材會跟一年會藉既，懷孕期內會藉唔會計算到內 。 但 懷 孕期期間都有迪士尼雜誌送黎俾我，入面有本kids world， 可以儲起到時俾豆豆大個玩呢！ 胎教同豆豆出世後既用後感 1. 點讀筆 點讀筆係一枝互動既學習筆，可以揀mickey或者minnie， 主要係用黎睇故事書用。 懷孕時 |  相像自己係小朋友樣樣都篤下聽下就得架喇，主教材內 有歌同遊戲玩， 我自己都玩得好開心。 豆豆出世後  |  豆豆大概兩個月時開始俾佢玩，因為初生階段未識控制枝筆，我會幫佢篤，我 發現佢對眼會跟住枝mickey筆走 。 2. Playmate Playmate係一部碌卡機，一張語言學習卡內含幾句句子、問題， 仲有錄音功能。 懷孕時 |  語言學習卡 白色個邊係可以錄音既， 我得閒會錄低我把聲， 相像豆豆大過小小 趁我返工 個陣俾佢碌白色個邊， 發現媽媽把聲係入面一定好意外呢！ 豆豆出世後  |  當學習卡碌過停頓位時，豆豆好似思考緊， 到部機講出答案時佢好興奮呢！ 攝於豆豆2個月17天 3.Story and Songs CD係淨聲，DVD有動畫睇，另外有spo...

由懷孕到豆豆出世我對佢用既用品都會嚴格挑選， 消毒烘乾機係新手媽媽既must-have item。 加上自我 返工後， 豆豆就要開始用奶樽飲奶， 我亦變左 做半泵媽， 要消 毒既野開始愈黎愈多！ 每次 o係公司 泵完奶，我只能夠將泵奶配件用滾水浸黎 消毒。 但原來 100％滾水只可以殺死92%細菌， 尤其浸完清潔完都總會有小小濕， 係未 乾晒既情況下會好容易有細菌滋生， 萬一BB食左細菌落肚就 有機會會腹瀉、嘔吐、腹部絞痛、肺炎等等⋯ 令我好唔放心， 所以放工返到屋企我會重新 消毒過！ 平日泵奶後滾水浸parts 🤦🏻‍♀️ 🤦🏻‍♀️ 其實懷孕期間已經買左一部 蒸氣 烘乾 消毒 機，但要加水先可以 消毒到， 今次試下呢部Haenim喜臨 紫外線 消毒烘乾機，佢唔駛加水，直接用紫外線 消毒， 設計modern，淨係睇外表已經心心眼喇！ 好喇，開箱時間，登登！ 好似一部迷你雪櫃 內有插蘇、層格、UV機 UV消毒烘乾機真身 ， 不銹鋼鏡面好型！ 層格可以抽出黎，好 方便清洗，內籠好大，可以放 16個奶樽！ 佢有四大功能：自動、消毒、烘乾、循環消毒 我通常係用自動功能，禁一個制就可以 同時烘乾及消毒。 成部機得四個輕觸式制，簡單易用，老人家都識。 AUTO其實有三個自動模式 第一個模式： 烘乾20分鐘， 消毒5 分鐘 第二個模式： 烘乾40分鐘，消毒5分鐘 第三個模式： 烘乾60分鐘，消毒5分鐘 整過UV+ 烘乾 過程最短只係30分鐘， 烘乾 奶樽加泵奶配件30分鐘就足夠， 如果係 烘乾 玩具既就要 第三個模式喇！ 烘乾 時會有紅色燈 佢既烘乾模式係 採用PTC加熱， 55度暖風烘乾，烘乾時係唔會燙手， 就算小朋友自己拎都唔怕 燙親呢。 UV消毒 時光管會著，有藍色燈 留意奶樽擺法係朝向上，唔係朝向下既，用AUTO MODE 1烘乾後明顯無水珠，讚讚！ 雖然大大部， 但當豆豆大過後可以 用黎 消毒佢既 餐具、毛巾、毛公仔或者玩具等等。 特別係落雨既日子拎唔到出露台曬，我會將 洗完既口水肩、 紗巾同 玩具 擺入去 消毒下，佢擺入口既野都係 消毒左安 心D喔！ ...

餵 母乳可以同BB更親密，但 每次塞奶都會好辛苦同沮喪⋯ 由豆豆出世一直都係餵 母乳，我已經 遇過幾次塞奶喇，仲試過 乳線炎 發燒呢！ 點解會塞奶？ 乳房主要係由兩種組織所組成，就係乳腺同脂肪組織。乳線由15-20個小葉同乳管構成， 小葉既末端有腺泡負責分泌乳汁，乳汁經由乳管傳送到乳頭。 塞奶大多數係因為太耐冇泵奶或乳管被脂肪組織（乳頭會出現白點）凝結成乳塊， 令乳線阻塞變石頭胸，青筋 胸， 好硬，模上去一舊舊咁。 當 嚴重 塞奶 時，乳汁既水分、糖分、蛋白質即成為細菌既溫床，就會誘發乳腺炎⋯ 身體會沾寒沾凍、發冷、甚至發燒、全身酸痛，令到你好冇心機， 連抱BB埋心口都會忍忍作痛⋯ 經過我幾次塞奶，由地獄返返上天堂後，都有小小心得分享下，希望幫到塞奶既媽媽⋯ 舒緩塞奶天然5招療法 1. 持續餵哺 BB係我最好既「通乳師」，記住，就算塞奶都要堅持 餵哺，幾痛都會捱過的！ BB比泵奶器啜得更清， 將硬既位置對住BB下巴比佢啜 （就算未到食奶時間都 俾佢啜） 每啜一次都會鬆返小小， 下巴對邊 到 就幫你通邊到， BB唔肯啜既話就要泵出黎。 當然冇可能一次就會好返，塞奶最小都要1-2日先會鬆得返喇！ 2. 適當按摩 當發現塞奶未係好嚴重既時候，就要用手推，由硬塊方向推出乳頭位置， 要輕輕力， 過份用力按壓只會加劇痛楚令乳房組織受傷。 有心機既話就加按摩油推，效果會更好⋯ 3.  沖熱水涼 好多人話塞就要熱敷、凍敷，我覺得效果麻麻地，我寧願去沖個熱水涼， 因為塞奶會沾寒沾凍，明明唔凍都無端端會起雞皮，沖涼絕對舒緩到暫時既痛楚。 同埋要一路沖一路按，嘗試C字手擠奶，如果你成功通到既話，D奶會水柱咁湧出黎！ 4. 多飲水，避免多油高脂食物 母乳係由95%水同5%既蛋白質組成，  想多奶而又唔塞奶既， 記住三個要訣： 多埋身、多飲湯水、 保持清淡 飲食， 向炸雞、薯條say no! 😭 --> 我坐月時飲既發奶湯水 Top3 ： 花生豬腳湯、蓮藕黑豆章魚湯，木瓜鯽魚 / 排骨湯 ＊＊塞奶時可以加通草通乳＊＊ 全日：飲 1-2L 炒米茶或水 早上：一杯熱鮮奶，唔夠精神會飲滴雞精補充體力 ...