Mamamanis・湊B日誌

以前聽 產假 都係「前四後六」，即係 預產期前4星期開始放⋯ 不過好多在職媽媽都想產前放小D，產後多D時間照顧BB， 不過好多都可以o係公司同意之下放前二，所以我38週正式宣報放產假喇！ 放假頭1-2日都好忙咁洗BB衫，好享受放假既生活 😂 😂 不過仲有兩個星期點都搵小小其他野做下打法下時間既， 諗起之前經過手作舖可以打法時間～ 所以趁星期六去打個圈買黎試下喇！ 間手作舖好多羊毛 氈、毛冷，仲有一包包已經準備好既材料包賣。 呢個角落擺滿左baby系列 😍 😍 布料 主打organic cotton，整完唔怕比BB咬。 Baby corner 呢set好吸引，有鞋仔同帽 全日本製 口水肩同BB搖鈴 舖頭門外有好多製作好既樣本，點解可以整到咁真架！ 羊毛氈戳出黎既作品： 毛線球剪出黎既作品： 最後我買左包羊毛氈黎試玩， 為免手殘整衰左，我揀左包難度係Level 1既。 材料包已經有齊所需既羊毛、扣針同說明書， 另外亦都要準內一枝羊毛針同珍珠棉版。 材料包 由初稿到成品好滿意丫，呢隻長頸鹿戳左兩個鐘左右啦，仲可以扣o係BB衫度啊！ 希望大家鐘意我既分享，歡迎like我既facebook page，下次再見！ Ciao～ My Page to follow |  https://www.facebook.com/gogomanis/ Esdlife Blog |  http://wow.esdlife.com/space.php?uid=87788

足月就係時候準備下走佬袋，先將走佬袋分成兩部份， 「入院」 、「出院」 一袋 。 入院只需要帶自己既個人用品，出院先需要帶BB用品。 BB用品同自己既出院衫褲可以等BB出院前叫老公拎黎醫院。 ***「入院分娩袋」*** 入住私院會包一套產婦需要既用品，同自己出面買既冇異， 不過佢地準備得既， 就 係佢地想要既野， 所以唔駛自己粗心去買， 自己專心執個人用品就得喇！ 私院套裝包括： 01. 產婦衛生巾 @12條 02. 床墊 ＠6張 03. 適意墊 ＠2張 04. 生理沖洗器 ＠1個 05. 網褲 ＠2條 06. 牙膏/ 牙刷 07. 面巾/ 梳/ 杯 08. 托腹帶 ＠只限剖腹產婦 「個人物品篇」 決定係私家醫院分娩之後，醫生需要將我之前o係政府做既抽血、B鏈等等既報告拎返， 收齊後連同入院信夾埋一齊，入院時一并交比私院登記。 01. 身份證 02. 配偶身份證副本 03. 銀包/8達通 04. 醫生轉介信及按金單據 05. 產前抽血報告 點樣問政府拎返「抽血報告」？ 政府推出左「醫健通」即電子健康紀錄，申請費用全免。 如果你睇既私家診所有申請用 醫健通就會睇到你既報告。 只要o係下面條link登記開立個人賬戶後，然後將身份證同編號交比診所就得架喇！ link to apply:  https://apps01.ehealth.gov.hk/oles/?lang=zh_HK 如果診所都係查閱唔到你既報告，亦都可以返政府醫院填一份「索取 醫療報告申請書」， 費用全免， 醫院會直接寄副本去你所屬既診所。 「衣物類」 01.酒店拖鞋 @1對 02.開胸睡衣+長褲 @1-2套 03.外套/披肩 ＠醫院較凍，帶定穩陣 04.襪子 ＠2-3對 05.哺乳胸圍 ＠1-2個 06.方巾及毛巾 「清潔用品及飲品」 01.即棄廁所墊 @1包 02.盒裝紙巾/廚房紙巾 @1盒 03.防溢乳墊 ＠4-5對 04.化妝品 @旅行用份量 05.洗面乳及護膚品 @旅行用份量  06.肚紋油，肚紋霜  07.薑奶皂 @暫取代薑水洗手用  08.冷熱敷包 @唔知需唔需要，帶定  09.炒米茶 @入院日子份量  10.飲

就黎到雙12，又係時候入定落購物車，將銀包變薄既時候喇～ 所以今次購物全攻略一定要介紹呢幾樣網購返黎既好物比大家！ 1. 雲石貼紙 要件傢俬睇落去實用又mordern，其實只需要加張雲石貼紙就搞掂。 我都幾鐘意雲石紋，但市面又搵唔到一張現成既雲石 台 岩用，最後買左IKEA既淨白色書台。 後來我淘左呢張返黎自己貼，用佢附送既刮刮膠由左至右慢慢拉走底層既底紙， 有小小卜起左都唔怕，可以抽返起再調整既，痴完成張 台 高級左😆 2. 護膚品收納架 呢個護膚品收納架只係¥41 (雙11優惠買，黎緊雙12又係時機喇！） 但佢完完全全地拯救左我張化妝台，抵到爛！收納量超出我預期， 居然擺晒我既護膚品都仲有位淨！ 大家睇埋下面呢張就係Before就明白晒！ 最鐘意佢可以自己調節層架既高低，可以因返自己護膚品既高度黎砌， 個架仲可以轉，拎個陣非常方便，成個架真係冇咩好彈，我比100分。 護膚品咁樣擺好快好多塵，又難清潔，真係好頭痕。 希望大家鐘意我既分享，歡迎like我既facebook page，下次再見！ Ciao～ My Page to follow |  https://www.facebook.com/gogomanis/ Esdlife Blog |  http://wow.esdlife.com/space.php?uid=87788

不知不經已經到左36週，BB o係我肚入面已經有9個月！ 時間真係過得好快，快到自己仲未想像到自己就黎做人媽媽了⋯ 成日提自己過多排就要過非人生活，所以要好好享受胎動，好好 享受我地身心相連既感覺～ 原來⋯⋯ 今日就裝BB床喇！ 仲有1日就去產檢喇！ 仲有4日37週足月喇！ 仲有9日工開始放產假喇！ 仲有24日就係冬至喇！ 仲有25日就係預產期喇！ 陀BB真係會變得好冇記性，所以要好好紀錄一下自己既經歷同感受～ 24 週 今日產檢醫生幫BB影左好多靚相，第一次照到咁清楚呀！ 覺得佢已經似一個人，好真實 ，好感動。 27 週 幫BB揀左人生第一輯既初生相攝影師喇！ 呢排胃氣好多，但陀得舒服既， 因為肚未係好大，行動好自如。 32 週 B B頭仔已經轉左向下方，但健康院摸既時候話佢打斜左黎訓， 不過叫我唔駛太擔心， 因為佢仲未定落黎，仲會周圍轉既。 33 週 呢排我既濕疹又發作，而且比起懷孕前既況狀更差， 腰、腳、胸下多個地方都有紅腫， 真係好困擾⋯ 有一晚應該係沖涼用太熱既水，沖完所有 濕疹 發到豬頭咁，痕到喊 😭 產檢醫生話BB有4磅幾喇！順產黎講個size算唔錯，係中細碼。 BB（女）體重參考表 BB（男）體重參考表 35週 B鏈 （ 乙型鏈球菌）篩查係35-37週既時候做， 有10-30%既孕婦會有呢種細菌， 如果中左分娩前需要種豆， 唔係既話，BB有機會肺部感染，血液感染同腦膜炎。 我係返健康院做既， 2星期後會有結果。 其實呢個 篩查 唔係咁可怕，姑娘會用兩枝 類似 好幼長既棉花棒， 分別o係 低陰道同直腸拭子抽取分泌物去檢查，只係3分鐘左右就完成整個過程架喇！ ＊＊ 篩查當日唔需要驗尿、磅重、量血壓，所以只係用左45分鐘就走得＊＊ 36週 唔經唔覺肚已經有38寸 喇，呢個星期 開始1星期檢查一次。 BB最近郁得愈黎愈密， 尤其係夜晚食完飯同沖完涼之後，有時會郁到成個肚變左三角形 😨 佢突出黎既時候都好好奇諗係佢邊個部份 第一胎未知陣痛有幾痛，加上 打算順產，所以隨時都要有入醫院既心理準備， 要諗定如果我o係邊

BB衫仔唔敢淘寶既，Gmarket其實係一個好選擇！ 而加可以唔駛用EMS改用順豐寄，運費可以平一半左右。 買過就知佢既集運仲有簡單過淘寶， 只要揀晒自己想買既野比錢，就會一條龍幫你送到屋企！ 購買後由「買家出貨→到韓國倉→包裝寄黎香港 →到港送貨 」，成個過程都可以查得到。 貨品到齊韓國倉會自己波運黎，唔駛再合併之類既動作。 ＊＊買野之前記得去Event zone度下載晒所有coupon＊＊ 有時用指定信用卡都有優惠，折扣大約  ￦ 500－ ￦10,000 揀好想要既貨品後，Click "Apply coupon"就用到優惠券架喇！ 講完點買就講下我第一次既買BB野既收獲先！ 1.  和尚衣  ￦ 6,900/件，大約 HKD $48 第一次買BB衫，所以只係買左幾件睇下佢質地好唔好， 結果係有驚喜！質地比相象中好，係較厚既棉質！ 反一反個袖就可以包住BB隻當手套💕 2.  防水隔尿床墊 ￦ 9,900/張，大約 HKD $69 睇過晒香港、代購，都係Gmarket呢間最抵， $70有找，仲係厚身既！ 代購都要百幾蚊架！ 恐龍同火烈鳥😍 圖案太可愛喇，忍唔住買左兩張！ 可以機洗 3.  儲奶袋 ￦ 14,700/盒，大約 HKD $102 Perfection算係平得黎又抵用既牌子， 我買呢款話添加左納米銀材質， 銀離子可以抑菌，有熱溫提示， 同埋貪佢有側面開口，倒出黎會比較方便。 香港有賣家都做到接近價錢，但我見運費一樣就搭單買埋喇～ 4.  Vieco防曬隔離霜 ￦ 11,610/枝，大約 HKD $81 Vieco係天然有機牌子，適合孕婦使用。 粉底係有小小淡 粉紅色， 可以將暗淡既 皮膚望落精神小小。 有SPF 35/PA++，質地唔 泣，平平地用係幾好既。 5.  韓國紗巾大約 HKD $2.5-5/條 Petit Bird，Coco，Mooroo紗巾 雖然冇選擇係Gmarket買， 但我幫襯左三個唔同既 韓國牌子紗巾， 又係一樣性價比高既BB用品， 我facebook

BB出世後屋企就會多一個人，要迎接佢黎呢個新家庭， 所需物品真係好多！ 我參考左唔小初生需要既用品，再整合左以下既清單比自己， 係懷孕期間不段去搜攞最抵、最岩心水既野比BB～ 而加都買得7788喇，心得就係。。。。。 唔好太瘋狂，由其係衫仔 家品等BB展先買 BB展的確係比平時抵好多架，大型荷花BB一年會搞兩次，所以孕期內一定去到一個！ 如果錯過左都可以等Aeon/一田，佢地都時不時會有BB展優惠既～ ＊＊清單入面 紅色 字我覺得係必買，其他自行考慮需唔需要喇！＊＊ 「衣物」 BB衫有幾種，多數都係綁帶、啪褸、拉鏈，初生多數都建議用綁帶款， 即係圖下既和尚袍， 因為 BB頸未發育成熟， 和尚袍可以 舖起 再綁會較安全。 初生既衫都要預多小小，因為BB容易嘔奶同爆片，一日可能要換3-4件！ 和尚袍 @5-6件 兩用袍 @2-3件 下身可以啪褸變成兩腳款 夾衣 @2-3件 U記特價時可以入貨 厚蝴蝶衣 @1件 同袍相類似 口水肩 @2-3件 唔駛買太多，初生用紗巾 睡袋 @3件 揀背心款可以訓到2-3歲 包被 (厚棉質) @1件 可用睡袋取代 包被 (薄棉質) @3件 可放BB車出入商場 包腳睡衣 @3件 會好快唔岩，買小量 外出服 @2-3件 為靚靚 帽子 @2頂 初生用 手襪 @2-3對 怕BB周圍R，訓著時用 襪子 @2-3對 保暖 外出鞋仔 @1對 為靚靚 沖涼大紗巾/ 毛巾  @1-2條 熱用紗巾，凍用毛巾 細紗巾 @30條 細毛巾 @1條 沖涼 「床品」 同初生BB一齊訓怕會壓住或焗親會有危險 ， 大部份媽媽都唔想BB養成同床訓既習慣， 所以最好都係分床訓啦！ 嬰兒床+床褥  @1張 揀可較低欄桿個種床 嬰兒床公仔 @0個 通常忍唔住會買 安撫公仔 (海馬) @1個 買左，話易入睡D 初生枕頭 @1個 防頭扁，推介出名既gio 床單 、 床圍、被仔 @1套 市面有BB床品套裝賣 隔尿墊  @1-2條 換片墊 (厚底) @1個 可放係BB床上 「餵哺」 奶樽大大細細  @6-8個 初生奶樽咀頭 @2個  初生用十字奶咀 奶樽刷  @1個 奶樽鉗 @1個 熱時可夾起奶樽

我正式踏入懷孕後期喇， 孕期既護膚產品 都用左一段時間， 趁而加同大家研究下 好多媽媽 關心既妊娠油，邊隻 好同有效！ 大肚點解會有妊娠紋？ 肚皮周邊既皮膚會 隨住子宮同BB長大而 延展， 皮 膚真皮層既彈性 纖維斷裂同 組織有可能會被拉斷，令到血管擴張形成紅色既紋。 有人話 妊娠紋一半係會遺傳， 如果媽咪陀你 個陣都有 妊娠紋咁你都會有。 雖然係咁講，但 搽油至少可以幫助到膚質同皮膚彈性， 絕對 唔可以乜都唔做， 由佢生到唔清唔楚！！ 妊娠紋同肥仔紋出現既地方： 肚 、乳房 、 大腿 、 Pat Pat 初期：紅點/紅線（係剛剛生長既紋路，有得救） 中期：紫紅色疤痕 （有得救） 後期：銀白色 起伏疤痕（成熟了， 冇得救） 點樣避免妊娠紋？ 1. 唔好比自己重/肥得太快，最多一星期一磅 2. 勤力搽 預防妊娠按摩油+ 乳液 如果feel到肚皮痕就 千其 千其 千其 （好重要） 唔好R，一定要補「油」， 油一日可以搽無限次，乳液就早夜一次， 妊娠初期就可以開始使用。 油同 乳液 我係同時間使用，雙管齊下，誓必 守護個 肚皮 ！ 😂 😂 搽既時候要配合 按摩，好似 揸肚就 以肚臍為中心點， 由內向外順時針方向按或由腹部下方往上推向中間。 按摩方向 孕期肌膚保養組合 呢套 「孕期肌膚保養組合」 係我懷孕初期o係Clarins專門店$1380購入， 如果懶得去揀，呢套係幾方便既，入面有： 抗紋身體乳霜 200ml ($540) 調和身體護理油 100ml ($530) 健胸提升啫喱 50ml ($550) 另外我仲加多兩樣野 挺胸緊緻乳霜   50ml     ($550) 組合所包既 提升啫喱係早上用，乳霜係夜晚用，店員話哺乳期都用得， 而且懷孕後胸型好易變型，呢枝係貴，但為個胸，我都覺得值既⋯ 透滑身體磨砂 200ml   ($350) 一星期1-2次，因為我皮膚一向都偏 乾，初期肚皮上仲生濕疹， 沖涼用完 磨砂 再搽油感覺會吸收D。 我護理肚皮既步驟： 早 晚一次： 護理油→防妊娠紋 乳液 →胸部護理 一星期一至兩次： 磨砂 介紹埋其他我用過既護膚產品同用後感： Step1～油類 左1。 Trilogy C