「豆豆的美語世界」Ch.010 一齊玩小遊戲
豆豆歲半後識多咗好多野，好似顏色、形狀、五官既認知，拍手、轉團等等指令已經識晒，
邊到學返黎？相信迪士尼美語世界係其中之一既功勞！
迪士尼美語世界入面既playalong可以學到晒以上既野，豆好鐘意音樂，一路聽一路學，無意中咁洗腦式學習。豆媽日日都播一次，佢已經熟到唔睇都記得點唱，睇過DVD明白晒歌詞既意思，其後俾CD版佢都一樣好享受，可以跟到歌詞去跳舞～
好多媽媽都擔心俾太早俾電子產品俾小朋友會唔好，豆媽就覺得用得適量，唔過份就可以了！其實除咗睇DVD之外，仲有其他野可以同佢地玩架，不妨睇下我有咩ideas啦！
1. Progress Book・痴痴貼貼 + Find the object
我諗冇小朋友係唔鐘意貼紙既，呢本Progress book係用黎俾小朋友完成step by step後玩，雖然豆未玩到step by step住，但呢本書就玩得喇！
Progress book
靜電貼紙
呢本書既好處係可以不段重覆痴貼，唔駛擔心玩完就冇用，仲可以將佢痴係玻璃上面，咁樣痴痴貼貼就已經陪豆豆玩咗起碼半個鐘以上喇！貼咗上玻璃就同佢玩個小遊戲。
Where is the rainbow? Where is mickey? Where is minnie's hat? Who is sleeping? 豆都指得好快！
2. 體驗做strong man
豆好鐘意青色系列 - The Circus，特別係strong man，一聽到首歌會開心到彈彈下，仲會做出舉重既手勢呢～有見及此，豆媽用枝捧係兩邊綁氣球整咗個玩具俾佢扮舉重，豆見到即搶黎舉，好投入！
材料非常簡單，一枝捧、兩個氣球、兩個接駁器，咁就可以哄到佢咁開心喇！
投入感100分
最近拎返playmate同佢玩，除咗碌卡學顏色之外，豆媽仲會拎埋相對應既顏色俾佢配對，另外會再播「I see something blue」，三樣野加埋仲唔明！
呢度係佢自己配對的
呢首歌可以增強對顏色既記憶
4. 學生果
Playalong既生果玩具除咗用黎切都仲可以咁樣玩架，早前買咗food超人生果拼圖，有好多唔同既生果，豆媽將立體或者真生果拎晒出黎，豆豆會好suprise，仲指住點頭！
有時要拎埋真生果出黎用（更加有用，唔係卡通圖像）
只加小小心思，就可以有幾種玩法：「砌拼圖、切生果、認知、顏色」
係藍色系列入面有得學A-Z，學呢26個字母一D都唔容易，所以豆媽買咗一套磁石拼圖，平時可以砌又可以拎住唱歌，今次就打開課本Alphabet個頁俾佢配對，等佢再加深印象。
材料：A-Z磁石拼圖
問佢係咪the same?再故勵佢放返相同位置。
小朋友樂在其中，豆媽希望你愉快學習，唔覺唔覺就學識～
IG | be.manis
靚太Club | https://wow.esdlife.com/gogomanis
Blogspot | http://ohmamamanis.blogspot.hk/
BE Certified Blogger | BE.MANIS
如有任何活動邀請或試用，可以聯絡我：mannis.chan@yahoo.com.hk
留言