Mamamanis・湊B日誌

到達加固既月份已有兩個月，豆豆由坐穩開始嘗試俾食物佢拎上手食， 而加8個多月，試既食物都愈來愈多。豆媽唔係以代到一餐為目標， 反而係想佢食得開心，足夠佢營養就足夠了！  BLW係咩？ BLW係Baby-led weaning既簡稱，中文通常係譯做嬰兒主導的斷奶方式。  係近呢幾年興起既加固其中一個方法，意思係BB做主導進食，想食幾多，食咩先都由BB話事。 食物唔需要全部都打蓉，只要將食物切成finger size，係大人指導之下自己餵食。 幾時可以開始BLW？ 大約6個月，唔需要任何support下能夠自己坐穩達至十秒以上就可以了。 BLW係可唔可以食糊/粥仔呢？  可以的，只要係自己餵食都可以，BB比想像中叻，會識點運用吞同咬。  市面上有咬咬樂或者pre spoon，可以加入去比佢地自己拎住食。  BLW 好物 推介1 ：Nuby 咬咬樂 @Babies"R"Us有售 BLW好處與壞處？ 好處：6個月開始BB對世界會好好奇，父母應該多鼓勵BB用手觸摸去探索世界，BLW除咗可以觸摸唔同身材係質感，仲能夠訓練小手肌肉，令手仔更靈活，對日後學習同自理能力都有幫助。 壞處：浪費食物及清潔時間 ＊＊＊＊＊＊＊＊＊＊ 決定BLW前要注意： 1，要識分咩係嗆同作嘔，只要BB坐直個人同埋食物正確大部份情況下都唔會嗆親。而作嘔係學習既過程一之，係身體防止嗆親既一種機制，BB反應會比大人敏感，如果執行者太驚慌會影響BLW效果。 2，唔好期望佢地會食到晒，因為BB初頭會拎身物黎玩，甚至掉晒落地。 3，要有耐性，預咗次次食完都要大清潔。 4，要在BB精神既狀態下進行BLW，食完BB想補奶就補奶，唔急代唔代到一餐。 如果你可以做到以上條件又想俾BB嘗試BLW既話，咁應該俾咩食物佢冇咁易嗆親？ 初階食物： 瓜菜類：菜心莖（唔要葉）西蘭花，豆角，節瓜，冬瓜 ，南瓜，紅蘿蔔，粟米仔 生果：香蕉，牛油果，火龍果，西瓜，啤梨，蘋果（蒸至淋身） 以上既食物都係水份多、淋身、易楂上手，所以豆媽將佢歸類為 初階 食物。 6個月的手指食物大小參考 藍莓係好好既生果，可以代替星星餅 當茶點俾BB食， 記住圓...

迪士尼美語活動既嬰幼兒活動分兩個組別：6-18m 或者19-36m 豆豆夠秤參加活動，豆媽就幫佢參加一個試下水溫喇！ 原來 嬰幼兒 活動 名額一堂只有20名， 之前想報個幾堂遲咗一日報名就滿額， 經過個兩次既失敗， 豆媽今次較好鬧鐘， 開始報名當天既12am正就入系統報名！ 豆媽最後成功了！YEAH ！ 活動當日我地一家三口都好期待，豆豆訓醒好好精神呢，導師亦好準時就開始邀請我地入去 活動室。 今日主題係： 齊來郊遊 首先逐對家長 介紹 小朋友既名， 介紹都係用教材其中一首歌－  What's your name "What's your name,  What's your name, My name is Bella"  豆豆好好奇周圍望，第一次聽一大班家長唱歌覺得好有趣。 導師全程都係全英語介紹活動內容同遊戲玩法。 Camping Games start! 一開始講解點樣由城市去到郊區，導師 用圖表達city to the country。 豆豆都幾專心 成個camping過程都做一次，由渣車、行路、執柴枝、釣魚、煮食等等都有。 豆媽覺得內容幾豐富，完全配合到主教材既 課程， 當然上呢堂之前，爸爸媽媽同小朋友都要聽熟 課程既歌先啦！ 「Driving」－會用動作同唱歌仔完成。 「Over the Bridge」－小朋友排隊行天橋，豆豆未識行不過都有抱住完成三次。 到達camping場地就「執柴枝」準備生火。 好認真地執柴枝 緊接落黎就係「釣魚遊戲」， 釣完魚 導師有 教埋colour同counting number，睇下邊個釣得最多。 Catch! 完成咗一項遊戲都會say bye bye，好似釣完魚就bye bye fish。 釣完魚，就到「燒魚」時間喇！ 一人一串拎住燒 最後一路食魚魚一路唱Yummy Yummy Fish，食完就唱最後一首歌－Bye Bye Baby。 呢一個鐘好快就過，豆豆放完電就即刻訓著咗了！ 感覺應該比上playgroup玩同食茶點有意義好多，大家覺得係咪呢？ 上完堂豆爸豆媽就去醫肚...

一期一會又黎喇，豆豆過咗半歲後日頭睡眠時間短咗，活動時間長咗， 開始感受到佢既 百厭同 好動！ 其實做媽媽都幾予盾，見到仔囡活躍係開心， 不過照顧佢真係俾之前更花氣力，佢 百厭個陣 既行為又會令我好嬲， 但當見到佢笑又會好快唔記得咗。 7個月人仔了 ❤️ 而加識企係床邊望實你，又 會發出聲撩人玩 等豆媽講下呢兩個月既轉變啦！ 1.  出牙嚕～ 見證BB出第一隻牙真係太神奇，又係長大其中一樣特徵呢！ 根據健康院書仔1歲前出牙時期同次序： 下面門牙6-10個月  上面門 牙 8-12個月 上側門 牙 9-13個月 下 側門 牙 10-16個月 豆豆七個月出緊第4隻牙（ 上下門牙），較書仔早出咗小小， 出牙時會有以下症狀： 牙肉腫、流口水、忟憎、鐘意咬野 用 青瓜雪凍可以 舒緩牙痛 ，但懶買，所以 買咗幾款可以雪凍既牙膠俾豆豆舒緩。 發燒、肚瀉 出下面門牙時，豆豆出現肚瀉，醫生開咗益生菌，因為BB成日亂掂野又擺野入口，會食埋細菌落肚，通常食益生菌都好得返，唔得先會開抗生素。 出上面出牙時，應該係感冒＋吽牙所以燒，食退燒藥、貼退熱貼再加抺身，食完野就俾水佢飲，鼻塞時用薄荷膏可以舒緩 。 2. 口腔期～乜都擺入口！ 豆豆踏入7個月開始8卦周圍望探索身邊既事物， 佢唔知個樣野食唔食得，所以一定要視線範圍內望實佢，因為見到乜都會擺入口。 不強硬阻止，多監察 如果豆豆擺野入口，我都唔會俾太大反應，我會同佢講「呢樣唔食得架」之後攞開， 再俾一樣食得既野佢，例如：牙膠或已清潔既玩具（個樣野係安全、衛生同冇小零件我都會俾佢）過份阻止會對寶寶成長有負面影響。 建立刷牙習慣 出第一隻牙後，夜晚訓前都會俾牙刷佢刷牙，佢會自己拎住當牙膠咁食， 而加唔駛用牙膏住，用清水就可以。 3. 6個月後會易病D？ BB 6個月打後母體既抗體開始下降，加上多咗同人接觸同周圍摸完擺入口， 細菌咁就食咗落肚，所以6個月後會 比較易病。 豆豆肚瀉同發燒都發生係6-7個月度，所以屋企要自備小量平安藥同更多日常用品！ 病痛： 探熱器、 退熱貼、退燒藥、益生菌（止瀉）、薄荷膏（止鼻塞） 推介呢隻Vicks薄荷膏，...

剛剛7月份既書展令豆媽留意好多嬰幼兒圖書， 豆豆7個月後唔再係初生一舊飯咁， 開始有自己性格， 對出面既事情都好有興趣， 會搵聲音來源、會追索物件 等等。 我係書展 買咗小小嬰幼先書俾佢， 閱讀由細細個做起，希望佢會養成睇書習慣， 唔知豆豆鐘唔鐘意睇，但只少令佢唔抗拒書本，亦 唔係淨係玩ipad iphone既小朋友！ 今次就係度分享下豆媽覺得唔錯又適合嬰幼兒既圖書啦～ 初階：響紙布書 0-6個月  響紙布書可以買1-2本，但唔駛太多，內容都唔駛太豐富，因為佢唔係真正閱讀，你會發現佢食多過睇。 布書優點係可以洗，可讀可咬都唔怕爛，好岩口腔時期俾佢地玩。 豆媽推介買一本黑白圖案，對眼仔好，細細本可以掛係床邊。一本買色彩鮮艷既布書， 揀 響紙款、 bibi聲更好 ，可以吸引到佢地注意， 俾佢地摸下發出唔同聲響，增加對書本既興趣。 啟蒙：硬皮書 6個月-1.5歲 硬皮書豆媽推介買first world book，全部單字就OK，簡單易明，好似有關 abc、123、shape、animal、ocean、body等等都好適合，豆媽都有買D有質感既俾佢touch and feel~ 市面有迷你版手掌書，細細本夠輕巧，岩晒佢地既mini size，書既後頁仲有配對遊戲 可以同小朋友玩，好欣賞呢個 遊戲設計可以 輕 輕鬆 鬆下令小朋友擺返迷你書返原位！ My first number 豆媽睇中咗，佢可以睇、配對顏色同玩數字遊戲， 9月先開售，所以bookmark住先 多感官： 有聲書  6個月-1.5歲 有聲書真係非常方便， 一禁就有聲， 豆媽忍唔住買咗第三本了！ 呢類書通常會有動物聲音、abc、兒歌等等，仲有連埋書仔可以一齊睇， 全部對應返聲效架！ 可以一路同小朋友睇一路按，講故事都會生動好多呢～ 玩樂： 機關書  1-3歲 成日聽人地講要俾機會小朋友 練小手肌肉，自己揭書上既機關就可以練到 喇！ 機關書連大人都覺得好玩， 內容有淺有深， 而加 我係 幫豆豆 揭既，一路講一路 揭開機關。 再大小小我會揀多D故事形式既書，俾佢自己單獨睇。 最近留意到usborne出版既lift the flap系列書好正，令豆媽有想儲齊一套既衝動！ ...

話咁快豆豆就半歲，不 過已經同佢去第二次去旅行 喇！ 今次我地去釜山，去前完全唔知會唔會有育嬰室，最壞打算係街邊企係度餵， 幸好都唔駛，可以順利係餐廳同 育嬰室餵奶。 執行李可以回顧返呢篇 [帶初生寶寶去旅行] ，因為已經開始加固 加上我係全埋身， 所以 今次冇再帶奶泵，變相帶加固用品就得。 [加固用品] 1. 糊仔 行程上唔知會唔會有其他野岩豆豆食，所以出發前會開小小糊仔佢食 2. 學習水杯 加固後一定要飲水，有媽媽擔心當地水質問題，但豆媽有照比 3. 米餅 我地開餐時如果有適合既食物就會食俾佢（如生果、蛋黃、豆腐），如果冇就會俾米餅 4. 食飯圍 兜 飲水都可以飲到濕晒，所以揀圍 兜款可以接水、接食物 [日用品追加] 1. 吹氣學習椅 吹氣學習椅可以摺同埋沖涼用，不過係淋浴式咁沖，豆豆唔慣有扭計 2.  小量玩具 半歲既BB已經開始識玩，所以一定要帶定小量玩具俾佢 豆豆人仔細細已經有唔小玩具，但講到要帶去旅行， 我一定會揀 易攜帶、輕便、有音樂、唔易爛既玩具。 登登登登登～ 米奇點讀筆、音樂錄音卡， 米奇硬卡書 今次入住呢間酒店豆爸同我都好失望 ， 被套穿窿、仲有爬行生物⋯ 同埋成間房好黑！ 呢次中晒伏，好彩 豆豆都唔怕黑咋，仲 聽住音樂好開心咁周圍爬 ！ **音樂錄音卡** 酒店 始終都係陌生環境 ， 返到酒店我地就會播音樂去螢造返平時既氣氛。 呢張音樂卡表面上睇 只係一張好普通既卡仔，但佢配合米奇點讀筆就可以 錄音、播歌同唱karaoke， 神奇呢！ 豆豆好好奇搵聲音來源 呢五日四夜用"SONGS"功能播歌，唔需要再帶差電器電都夠用， "SONGS" 入面內置咗十幾首歌仔，首首我地已經熟到成首識唱～ 豆豆每次 見到枝米奇筆就會好興奮 返到酒店就係豆豆開P時間，可以爬爬又有音樂聽，呢個笑容豆媽溶化了 **米奇硬卡書** 呢本書係硬卡造，唔怕俾佢 撕爛。 不過而加豆豆口腔期，淨係咬咬咬，所以都要睇實佢，唔係本書都會咬爛啦！ 豆媽會同佢介紹米奇既朋友叫名，希望 佢認識多D， 唔知幾時會識指住講佢地既名我聽呢！ 下次去旅行可能係一歲後，到時識行識走，記得拖住媽媽...

豆豆現時6個半月，尿片基本上一日需要用上6塊。 上星期仲吽牙出現牙仔屎（特別酸、臭、多），加上有輕微肚瀉，一日柯足7-8次⋯ 豆媽真係好怕佢一谷屎就爆片，又怕佢紅屁屁有尿布疹喎⋯ 今次黎得合時，豆豆將會試用由日本製GOO.N新版「柔軟紙尿片系列」尿片， 就睇下係咪聞說中咁好先～ 當日送到黎，豆豆大爺咁坐係度望住包片片。 之後就衝上前爬咗上包尿片上面，係咪好想試呢？ 豆豆現時7kg，試用黏貼型既S碼。 包裝唔需要用較剪開，用手沿住dot dot撕開就得，幾方便。 一開發現原來有14款海洋及動物圖案，小朋友大咗仲可以認識埋動物呢！ 豆媽最鐘意呢隻鴨仔圖案，好可愛 首先講下我對片片既要求，一條好片一定要： 透氣度高、吸濕力強、防漏、冇回滲、唔紅屁屁、唔爆片、腰圍舒服、唔箍大脾、圖案多 等豆媽都係呢幾方面做評價喇！ 1.  ★ 透氣度★ 香港特別潮濕悶熱，寶寶容易出汗引起皮膚癢同敏感， GOO.N係尿片表層添加咗維他命E既成份，增加表層柔軟度， 同時可以防止肌膚酸化。 尿片係壓花凹凸壓紋，新版用上「針孔式設計透氣網層」，聲稱透氣度提升到130%， 豆媽摸落就覺得唔焗身，幾薄幾透氣。 而表層添加咗維他命E係一個好吸引既賣點，感覺更防敏，豆豆poopoo得多時都會紅屁屁，我會查埋屁屁霜，兩樣相管齊下預防尿布疹。 2.  ★ 吸濕力+回滲測試★ 豆媽試過其他牌子既尿片吸濕力都大致唔錯，不過回滲問題就有差別， 呢樣亦係豆媽最關注既係問題。  為咗測試，豆媽先倒一杯500ml既水落尿片，再用紙巾印下。  完全冇回滲，500ml水可以好快吸收晒之餘仲可以鎖緊尿濕，仲係乾爽既，讚！ 為咗唔浪費，條濕咗既尿片我隨即做多幾包尿片冰袋！ 尿片 冰袋真係好好用，成本平仲可以保冷超過5小時呢， 做法好簡單： 3.  ★ 尿片設計★ 功能方面豆媽都好滿意，再睇埋尿片設計啦！  腰圍除咗有動物圖案外， 尿片上仲印有1・2，有晒指示自然貼得好， 沿住條橫線黎貼就唔會貼到斜晒， 貼得好就好大機會唔會漏！ 1・...