Mamamanis・湊B日誌

我正式踏入懷孕後期喇， 孕期既護膚產品 都用左一段時間， 趁而加同大家研究下 好多媽媽 關心既妊娠油，邊隻 好同有效！ 大肚點解會有妊娠紋？ 肚皮周邊既皮膚會 隨住子宮同BB長大而 延展， 皮 膚真皮層既彈性 纖維斷裂同 組織有可能會被拉斷，令到血管擴張形成紅色既紋。 有人話 妊娠紋一半係會遺傳， 如果媽咪陀你 個陣都有 妊娠紋咁你都會有。 雖然係咁講，但 搽油至少可以幫助到膚質同皮膚彈性， 絕對 唔可以乜都唔做， 由佢生到唔清唔楚！！ 妊娠紋同肥仔紋出現既地方： 肚 、乳房 、 大腿 、 Pat Pat 初期：紅點/紅線（係剛剛生長既紋路，有得救） 中期：紫紅色疤痕 （有得救） 後期：銀白色 起伏疤痕（成熟了， 冇得救） 點樣避免妊娠紋？ 1. 唔好比自己重/肥得太快，最多一星期一磅 2. 勤力搽 預防妊娠按摩油+ 乳液 如果feel到肚皮痕就 千其 千其 千其 （好重要） 唔好R，一定要補「油」， 油一日可以搽無限次，乳液就早夜一次， 妊娠初期就可以開始使用。 油同 乳液 我係同時間使用，雙管齊下，誓必 守護個 肚皮 ！ 😂 😂 搽既時候要配合 按摩，好似 揸肚就 以肚臍為中心點， 由內向外順時針方向按或由腹部下方往上推向中間。 按摩方向 孕期肌膚保養組合 呢套 「孕期肌膚保養組合」 係我懷孕初期o係Clarins專門店$1380購入， 如果懶得去揀，呢套係幾方便既，入面有： 抗紋身體乳霜 200ml ($540) 調和身體護理油 100ml ($530) 健胸提升啫喱 50ml ($550) 另外我仲加多兩樣野 挺胸緊緻乳霜   50ml     ($550) 組合所包既 提升啫喱係早上用，乳霜係夜晚用，店員話哺乳期都用得， 而且懷孕後胸型好易變型，呢枝係貴，但為個胸，我都覺得值既⋯ 透滑身體磨砂 200ml   ($350) 一星期1-2次，因為我皮膚一向都偏 乾，初期肚皮上仲生濕疹， 沖涼用完 磨砂 再搽油感覺會吸收D。 我護理肚皮既步驟： 早 晚一次： 護理油→防妊娠紋 乳液 →胸部護理 一星期一至兩次： 磨砂 介紹埋其他我用過既護膚產品同用後感： Step1～油...

今次呢篇離一離題講下之前屋企裝修既野先！ 第一次擁有自己既家當然想將全部自己鐘意既野放晒落去啦！ 最開心既係，設計上既野，老公都係比我話事😆 入伙單位雖然唔係一手，但都唔舊，廚房同廁所都唔需要大執，
 所以我地將重點放o係傢私同牆身上喇！
 牆身方面，通常有三種選擇 1. 油漆 2. 牆紙 3. 特式牆（木工或水泥） 我地第一樣foul走既係牆紙⋯⋯因為香港既潮濕天氣會好易令牆身發霉， 過多幾年受潮後有機會有滲水或披口既情況， 所以我地最後決定屋企大部份位置都會上油漆，重點位置會做特式牆！ 油漆 油漆最普遍都係乳膠漆。市面上林林種種，價錢亦都有平有貴， 亦都聲稱無甲醛、低VOC。所以最後問左師傅邊隻好， 佢推介本士呢兩個牌子： 立邦、多樂士 兩個牌子質素差唔多，都係無味、可以用濕布清潔，所以我主力揀顏色。 多樂士樣版 最後決定左多樂士既lily white，揀好後就交比師傅買料、批灰、油油既工序喇！ 雖然聲稱話無甲醛，但都怕會殘留有毒、有害物質，所以油完都要打開晒屋企既窗口吹下！ 另外，推介你地買埋呢枝由中大出既「甲醛清」。 佢既成份係益生菌，冇化學成份，可以噴牆身同木製傢俱，噴完等佢自然風乾就得架喇！ 所有新買既傢私我都有噴，雙重保障嘛！ 甲醛清 特式牆 1. 白磚牆（文化石牆） 我一直都想整一幅白磚牆架喇，亦都叫文化石牆。 我鐘意佢夠簡約、襟睇、又有歐式既風格。 但其實最貴既唔係磚，而係師傳既手工，所以我唔可以咁貪心，只係做一個角落⋯ 我揀左電視位置，咁就可以望返夠本啦！ 白色磚我地o係旺角睇過幾次，都只係搵到最普通既款式， 所以我決定淘寶再搵下有冇特式小小既，最後比我搵到呢款！ Size：60x200mm (Image from taobao) 即刻訂左落黎， 磚一到，我就即刻拼落牆望望效果，好滿意！ 雖然運費仲貴過磚，但 so far 香港未見過，所以覺得好 值 ！ 裝修進行中 10% **留意：磚與磚之間要有間距先至靚仔，師傅好醒目，用紅繩隔住，...

除左BB健康之外，最想知就係性別喇！ 知道仔定囡先可以買BB野買到破產嘛，哈哈！ 如果大家唔做T21/Nifty/羊水測試既話，就要等結構先知道男定女喇！ 網上一直都流傳一份清宮圖，傳聞係清宮時期已經流傳落黎，係用黎預測生男生女既表。 佢根源周易，依照陰陽、五行、八卦的公式推算出黎，有成三百幾年歷史， 信不信由你，但玩下、對下都冇壞既～～ 清宮圖入面 1-12 月係代表懷孕月份， 19-41 代表女性既年齡，以虛齡計算。 虛齡即係將自己歲數加一歲，而懷孕的月份就以最後一次黎Ｍ既第一日作計算～ 但有朋友話唔加一歲先準，以我黎計，真係唔加一歲先準喎！ 大家又睇下自己準唔準啦！ 除左清宮圖，以下流傳都係 陀仔陀女既分別，又有人話胎胎反應唔同， 我係陀囡 ～ 我又分析下係咪堅先！ 陀仔 陀女 準唔準？ 孕吐反應 好小或沒有 懷孕初期較強烈 ❎ 初期多胃氣， 有嘔過，但唔多 胎兒心跳 低於140以下 高於140以上 ✅ 8週心跳真係有超過140 胎動 較激烈，似拳打腳踢 感覺成個身郁動 ✅ 陀女都有腳踢，但成身轉動好似較多 妊娠黑線 又細又長，長到胸口 黑線長但未及胸口 ❎ 黑線冇增長 胸部增大 較小，約大6.3cm 較大，約大8cm ✅ 有大，但幾大就唔識度 😅 飲食喜好 喜愛酸同咸既食物 喜愛甜、辣既食物同愛飲果汁 一半半啦，我而加 鐘意食有汁既野、熱氣野同埋甜品 飲食 大增 不變或更小 因為要增肥，所以比以前食多左少少 肚臍形狀 突起 平平 ✅ 肚臍暫時都係笠，冇突起 體能 做事較勤勞，精神較好 工作懶散，精神較差 ✅ 初期成日都好累，好眼訓 皮膚、鼻型 改變 皮...