Mamamanis・湊B日誌

當我發現有左之後，因為第一胎咩都唔識⋯⋯ 所以入左媽媽group睇下有咩學。 網絡上既親子平台有好多，例如esdlife、baby kingdom、mamibuy、ohpama， 入面好多關懷孕同育兒既資訊， 睇左只係短短既幾個星期， 發現早期懷孕既媽媽會有好多唔同既情況⋯ 而以下既症狀都令第一次懷胎又未正式去婦產科產檢既我有無形既壓力。 好似流啡(下體流深啡色血)、見紅、 作小產 或者 超聲波照既時候未有閃閃(heart beat) 、 空心胎( 只有胎囊冇胚胎) 、 夠週數但胚胎冇長大等等⋯⋯ 原來有20-30%既媽媽會因為各種不同既原因失去BB，BB要十月懷胎先出到黎， 媽媽需要過好多關， 真係覺得將BB帶黎呢個世界真係不易呀！ 開始覺得自己媽媽既偉大！ 如果你問我，我覺得懷孕同婚禮最唔同既就係我控制唔到肚入面既情況， 懷孕期間所有野只可以順期自然，唔可以強求！ 今次講下唔同地方既產檢先 1. 政府醫院、健康院同私家 婦產科醫生有咩分別？ 政府資源短缺，唔會做佢地覺得多餘既檢查， 所以唔係 每 次產檢都有得照超聲波，亦都唔係每個孕婦都有得去醫院產檢， 孕婦一般冇特別情況下，第一次去完醫院產檢後都有機會被安排去健康院覆診。 以下係我睇完後覺得佢地既分別： 公立 醫院 健康院 私家婦 產 科 量血壓 自己 量 自己 量 姑娘 量 磅重 自己 磅 自己 磅 自己 磅 超聲波 特別情況下提供 冇 有 留小便 要 要 12 週後 要 評估 BB 大小 用尺量度 用尺量度 用超聲波量度 檢 查胸部 有 冇 冇 聽心跳 用胎心機 用胎心機 用超聲波 等候時間 全部例牌要等大約1.5- 2 hours 隔幾耐檢1次 10週：唐氏 21週：照結構 26週：飲糖水 34週：B鏈 （睇情況而安排） 約6...

上一篇先話備孕，話咁快就係我既預準黎M 既第一日喇！ 當日咁岩係復活節，所以一起身就用我既「晨尿」去check。 點解要用「晨尿」？ 因為早上第一篤尿冇被水溝淡，尿液既濃度係最高，所以最適合檢查。 如果你係懷孕，HCG人絨毛膜促性腺激素會上升，荷爾蒙亦會改變， 而懷孕捧就可以驗到你係postive喇 ！ 咩係HCG？係身體上用咩作用？ 人絨毛膜促性腺激素既主要功能就係刺激黃體由月經黃體轉換為妊娠黃體！ HCG可以促進雌激素和黃體酮既分泌用黎維持子宮內膜形態並使胎盤生長成熟， 胎盤合體滋養層細胞產生大量的HCG，所以係好大作用架！ 一般情況下，受精後第六日準媽媽就會開始分泌微量HCG。 妊娠早期HCG分泌量增長好快，約2日增長一倍，直至妊娠8-10濃度更加達至高峰 。 好啦～講返驗尿前一個星期身體既變化，我發覺自己有以下特徵： 1. 胃痛（ 有時係胸下面既位置，有時係肚既左側痛） 2. 分泌物比平時多（稱為白帶） 3. 眼訓同易累 我有諗過會唔會係我自己心理作用先覺得自己有懷孕反應， 亦有問過老公覺得我會唔會有左，佢就一口話no， 點會咁易？ 所以我 忍到準備黎M個日先至check，就係咁我 買左人生第一枝驗孕捧⋯⋯ 仲好勁咁揀左枝電子既⋯⋯因為我天真地以為電子可以重用⋯⋯ 哈哈哈哈！！不過諗深一層都好既，因為初期懷孕既HCG 濃度唔夠高， 用傳統 驗孕棒 出既兩條線可能會唔明顯，而呢枝 驗孕棒可以幫你計埋你懷孕幾多週呢 ！ 因為之前覺得應該冇料到，所以我諗住自己偷偷驗完冇就算數， 點知等緊結果個陣好緊張，隻眼仲半開半合好似睇鬼片咁唔敢望！ 驗完等左10幾秒就顯示2-3 ！ Clear blue digital 驗孕棒 驗完比老公睇，佢話「咩黎架？」「2-3咩意思？ 」 即係 I'm pregnant 呀，有左2-3 week！ Bingo後應該點做？ 拎住一枝bingo左既 驗孕棒 ，開心完一輪後，真係唔知從何入手， 中國傳統三個月前都唔可以同人講， 所以除左老公同口密朋友之外，我一慨封口！ 大家驗到自己有孕後要做既事： 1) 去普通診所或婦科診所驗孕 拎 懷孕證明 同 住址證明及身份證明文件 去 心儀既既醫院預約產檢 排期登記...

Be a mama?  先簡單介紹下自己先～ 同老公拍左8年拖， 由兩年前得到共識2017年結婚，大約一年多既時間籌備， 做左一年b2b，雖然而加望返籌備既時候好長，當中好多野煩，但諗返起都好開心架！ 就係婚後既一個月，我地就去左歐洲honeymoon！ 雖然呢個蜜月冇一個咁長，地點亦唔係最熱門既陽光與海灘， 我地鐘意走黎走去既歐洲自由行，所以最後揀左意大利同瑞士⋯ 意大利可以睇多D名勝古蹟，而瑞士我覺得係人生必去既一個地方， 個度既景色真係好似置身係「明信片」一樣，一生難忘呢！ 第一次上雪山，Pilatus  I nterlaken，係咪勁似「仙樂飄飄處處聞」呢！ o係出發前都有同老公傾下將來既生活，當中亦 有傾過造人大計， 我地拍拖都拍左一段唔短既時間，同居一年 享受下二人世界先開始既願望 達成左， 所以 都應該要準備 開展人生另一頁喇！ 所以諗住用自然方式懷孕，萬一唔得先會嘗試其他方法。  為左配合「備孕」， 我做左以下兩樣野：   1. 營養補充品  好多人備孕都會食葉酸打好自己個底， 我揀左呢隻係媽媽界No.1既牌子－  惠氏Materna， 一粒有23種維他命同礦物質， 比起市面其他牌子佢就係冇DHA， 但一盒有100粒好抵食， 備孕前三個月就可以食喇。 有朋友話呢隻好大粒，而且食左會便秘同埋便便會變黑綠色，但我暫時覺得ok， 如果怕大粒可以將粒維他命一分為二分開吞。 2. Check排卵期  我諗大家都知排卵期前後都比較易懷孕，以下推介呢個app都幾好用架！  疯狂造人-好用的备孕怀孕孕期 由其係當你經期唔準既時候，佢可以幫你推算邊幾日dodo會比較易 中。 不過我覺得自然行埋最好， 因為壓力底下都會難D受孕架！  如果真係Bingo左都可以keep住用架，因為佢會幫你計算埋預產期， 亦有BB 重量同長度參考。我好小會裝大陸app，但呢個真係唔錯既！ My Page to follow | https://www.facebook.com/gogomanis/ Esdlife Blog | http://wow.esdlife.com/spa...