Mamamanis・湊B日誌

一歲喇一歲喇！豆豆一歲喇！ 豆媽第一次親手整蛋糕比豆豆，今次整豆奶海綿蛋糕 海綿蛋糕材料： 雞蛋 3隻 (蛋黃及黃白分開) 低筋麵粉 80g (需要 過篩) 豆奶 90ml 米糠油 20g 稀少糖 10g 忌廉材料： 鮮忌廉 200g 稀少糖 10g 海綿蛋糕 做法： 01. 雪櫃取出雞蛋，將蛋黃及蛋白分開，黃白雪起備用。 02. 將蛋黃加入稀少糖打勻至奶黃色。 03. 分2－3次慢慢加入米糠油及已過篩的低筋麵粉拌勻。 04. 用刮刀慢慢拌勻至蛋黃粉糊備用。 05. 雪櫃取出蛋白，用電動打蛋器打至起泡(約4-5分鐘)，打至泡沫變得堅挺，倒轉不會流下來。 06. 將蛋白泡沫用膠刮刀分2－3次倒進蛋黃粉糊，從下至上輕力拌勻。(約3分鐘) 07. 預熱焗爐160度。 08. 將蛋糕糊倒入6吋圓形蛋糕模，在桌上敲幾下，將裡面的氣泡逼出來。 09. 放入焗爐焗20分鐘。 10.避免蛋糕縮回， 焗完後 將蛋糕取出後倒轉蛋糕盆( 用蒸架 乘起 放涼 ) ，放涼後就可以脫模。 忌廉 做法： 雪櫃取出 鮮 忌廉用電動 打蛋器中度發 打至起泡，期間加入 稀少糖，發打 至7成杰度( 適合塗抺 蛋糕) 裝飾： 可以準備生果如士多啤梨、藍莓等等

我諗大家都會遇過小朋友撕書既問題，如果係唔小心整爛豆媽覺得可以接受， 最怕係佢覺得撕書愈黎愈好玩，變本加厲！ 初生時我地都係會拎本書出黎幫佢揭，但到咗8個月左右豆豆好奇心多咗就會開始搶， 想自己 揭。主教材課程既書封面係硬皮厚底，但內頁係普通既紙質， 所以一開始俾佢自己 揭就要預咗佢會撕爛，一定要陪同下睇，唔睇住應該會得返個皮吧⋯ 10個多月時已經自己主動揭書睇  豆媽睇過某幾篇文章係講有關呢個行為應唔應該阻止，答案係 唔應該 。 其實「撕」呢個動作係冇問題，撕既過程中係練習緊佢地既小手肌肉， 只不過佢撕既係書，大人覺得係唔應該，有見及此，豆媽會係課餘時間比宣傳紙張豆豆撕， 當佢睇書時就不斷催眠同佢講「呢本係書唔可以撕爛架，爛咗就冇得睇架喇！」 即使係陪同下 揭書 睇書，但都會 揭得唔好，有時係貪玩成個身訓落去扯爛， 有時係頁與 頁之間用得太大力而爛，當爛咗時豆媽都會深 呼吸再同自己講： 唔緊要，係學習既過程黎，可以換既！ 有時會唔小心撕爛，有時會特登撕爛⋯ 可以換？對喇！！ 呢樣就係成為迪士尼美語世界會員其中一樣可享有既福利， 教育顧問成日話唔怕， 比佢多D自己睇，爛咗就換。 豆媽 唔想令小朋友覺得呢個係整爛既藉口，所以當唔 小心整爛時我會用膠紙修補， 到完成一個顏色既課程豆媽先俏俏地幫佢換書！ 豆豆睇咗藍色系列都一段時間，都真係爛得好慘烈⋯⋯ 前排豆媽就係網上面申請換過一批新書，真係好興奮地要講聲－係－時－候－換－新 － 書－喇！yeah！ 申請完好快就收到電話確認，只要兩星期內帶埋舊書去換就搞掂！ 又可以開開心心地揀書睇喇！ 所以整體對迪士尼美語的評價都唔錯嘅。 有機會再慢慢分享豆豆之後學習成長之路， 下次再見啦！  FB |  https://www.facebook.com/gogomanis/ IG |  be.mani s 靚太Club  |  https://wow.esdlife.com/gogomanis Blogspot   |  http://ohmamamanis.blogspot.hk/   BE Certified Blogger  |  BE.MANIS

不經不覺豆豆已經BLW咗6個月， 1歲後幼兒係有能力自行去進食， 就算傳統餵食都應該漸漸加finger food，所以唔應該將佢劃分為BLW。 豆豆將快1歲，BLW都時候畢業，都準備要提供餐具佢學習喇～ 豆媽想講下呢幾個月BLW既感受，順便解答一下之前豆媽收到有關BLW既問題！ 開始BLW時豆豆係未出牙，不過未出牙唔代表食唔到野，因為牙肉都夠力去磨爛食物。 而加11個月共四隻牙，一日2固+全日共飲600ml奶，中間會比餅仔、生果。 好多朋友驚嘆話咁細個就自己食野，教得好好， 但其實呢幾個月真係經歷唔少難題， 好似佢刻意掉/楂爛野食、反轉成張台/隻碟、 飲水bu晒出黎、成餐可能食得幾啖等等。 亦都經歷驚嚇時刻，望住佢面都紅晒gag，反胃既一刻，gag到嘔奶。 不過豆媽相信自己寶寶，時間可以證明佢係好享受自行進食， 1日唔識，用2日， 豆爸豆媽從冇諗過放棄， 呢4個多月，睇得出豆豆既 手眼協調、咀嚼能力、大小 肌肉控制都進步不小呢！ BLW新手問題～ Q1. BLW可唔可以食泥狀食物？ 同TW剛好相反，BLW係先學咀嚼後學吞 嚥，所以我偏向比finger food佢食， 但如果你問我可唔可以比泥狀食物， 我會答可以。 因為 BLW唔係劃分食物係泥狀定整塊，因為佢係一種方式同過程， 只要係BB主導自己食就係BLW ， 唔會話食流質而令到佢困惑。 糊仔加波波米 Q2.  唔食粥仔有冇問題？腸胃受唔受到？ 豆豆從來冇食過粥仔，但豆豆有 食飯、有食粉麵，一樣有 碳水化合物， 而且一日有一次poo poo，請問會有咩問題呢？ Q3. 有咩入門食物推介？ 一開頭豆媽都係比生果同菜心去試水溫， 所有野都以蒸同恰為主，唔需要加鹽同糖調味。 比之前用手指自己試下鏈唔鏈得爛， 爛代表佢閱牙肉有能力趙到，另外揀較濕既食物會較好，因為冇咁易gag。 食物漸進方向：生果 》蔬菜 》麵類 》肉類 煮法：初頭只需蒸、恰為主 香蕉可以咁樣切，方便BB拎 第一次食香蕉 入門生果：香蕉、牛油果、火龍果 入門蔬菜：菜心莖、西蘭花 入門麵類：長通粉 入門肉類：魚、雞肉 **一樣野試幾日，冇敏感再試其他， 所以初頭一餐內唔需要太豐富 ** 食到咁上下叻先加多D種類，可

豆媽買迪士尼美語世界既教材其中一個原因就係佢除咗有input，亦有output， 而佢地一個月內會舉辦幾場嬰幼兒活動舉行，暑假期間會有更多！ 不經不覺 豆豆已經 十個月，到咗探索期，好鐘意同人玩，對聲音同畫面都好有興趣。 今次有幸參加到佢地一年一度《美語嘉年華－The Friendly Tree》 早在開showt前一日已同豆豆講定：「聽日睇表演呀！興唔興奮呢？」 當日去到現場已經見好多小朋友已經手拎住吹氣捧捧，好似大人去睇音樂會咁有氣氛～ 現場仲有影相位，可惜到達後就入場冇時間影相，臨走時又趕住走唔記得影，好可惜呢！ 準時入場 ，準時開場！ 令我最驚喜係有先童加高座位，超貼心！ 豆豆第一次坐呢種椅睇表演，但都係坐唔定，專心咗10分鐘就周身郁喇⋯ 可能豆豆都想同哥哥姐姐跳埋一份，下年啦，下年一定得！ 入座後即刻吹條捧捧俾豆豆玩 《美語嘉年華》表演大約一個鐘左右，有大型公仔Zippy同bombom同6位美語哥哥姐姐， 眼利既豆媽認得有幾位美語姐姐係Face call見過面喇！ 表演內容主要係跳舞同唱歌，DWE歌曲有作小小改動去配合故事內容， 改咗歌詞好搞笑，簡單同可以跟住動作一齊做，好多小朋友同大人都跟住唱呢！ 豆豆就起勢搖枝捧捧，好興奮！ 豆豆好似為美語哥哥姐姐打氣咁 見到美語 哥哥姐姐好落力跳舞，另外仲有一位演grandma既角式做得好好， 亦見到好多前排小朋友企起身一齊跳舞～ 豆媽覺得呢種表演好岩小朋友睇，小朋友一定好開心、好難忘， 係表演中聽到課本上既歌，唔知豆豆會唔會覺得神奇呢？ Good Show，下年見！ FB |  https://www.facebook.com/gogomanis/ IG |  be.mani s 靚太Club  |  https://wow.esdlife.com/gogomanis Blogspot   |  http://ohmamamanis.blogspot.hk/   BE Certified Blogger  |  BE.MANIS 如有任何活動邀請或試用，可以聯絡我：mannis.chan@yahoo.com.hk

蛋白質可以製造肌肉組織、皮膚、免疫系統、骨骼同輸送營養。 嬰兒係頭一年身體發展得好快，BB到6個月後，母乳內既蛋白質已經唔夠， 如果攝取唔夠蛋白質會令兒童增長緩慢同埋會有貧血問題⋯ 所以開始嘗試加固後，我地都會選擇較多蛋白質既食物！ 蛋白質攝取量參考： 嬰兒 ～ 0-12個月： 13-14克 兒童 ～ 1-3歲：16克 ｜ 4-6歲：24克 ｜ 9-10歲：28克 豬肉、牛肉、海鮮、魚、蛋、黄 豆/奶類製品 都含有大量蛋白質， 蛋係入門食物但屬中高敏，健康院建議先俾BB 試蛋黃，冇過敏先嘗試蛋白。 另外，豆腐都係一樣BB會喜歡既食物，BB食得好後可再嘗試加肉類。 Q1. 一隻全蛋會唔會太多？ 一隻蛋含 70克 蛋白質，所以一日一隻係無問題的喔！ Q2. 我BB有濕疹，唔敢俾佢試全蛋。 研究發現原來BB愈大反而會更容易引起過敏反應，所以9個月前應該要嘗試俾全蛋喇！ 講咁多其實今次想推介大家一款又易整、豆豆又鐘意既一道食物， 重點係豆媽將佢平時唔鐘意/ 見到就掉既食材變一變身後，佢可以清晒！ 就係《薯仔蛋餅》，可以煎或蒸，信我，0廚藝都識整。 以下份量可蒸為三小杯* 材料： 蛋 一隻 日本細薯仔 一個（平時大既一半左右） 菜心 一條 免治豬肉 一小舊 粟米 十多粒 低筋麵粉 20g 《薯仔蛋餅》做法：  1. 將薯仔切件、菜心、豬肉、粟米粒隔水蒸十分鐘。  2. 將20g低筋麵粉過篩後再加入雞蛋一隻攪拌。  3. 將蒸好既材料稍為壓碎，放入攪拌機攪拌。  4. 粉漿完成了，煎或蒸都得。煎的話，要落小小油，如果蒸，可倒入蛋糕模蒸十分鐘即成。 蒸煮法 煎 法 最後分享埋豆豆既午餐，今日係10m8days，BLW since 6m 煎豆腐，煎蛋餅，蕃茄，長通粉，另外加藍莓10粒 30分鐘完成，食到8成✅ 希望大家鐘意 呢個食譜，專頁不定時更新食譜，有興趣可以follow， 下次再見啦！ 豆媽－豆豆大廚，地獄魔神一名，平時甚小煮飯，但為咗行BLW順利， 由豆豆6個月開始研究唔同菜式，等佢可以享受唔同口感同營養既美食， 佢食得開心，我又安心，希望佢做個肥肥白白既小朋友～ FB |  https://www.fa

一期一會又黎喇，9-10月豆豆開始好多動靜，成日都好貪玩， 最令豆媽窩心係只係小小事而笑到卡卡聲，小朋友既笑聲真係無價，珍貴， 就算幾累望到佢笑就會精神返。而加 出街會撩人玩， 而且仲聽小小指令呢！ 係咪大個女咗好多呢～ 十個月當天 UPDATE!《豆豆最近的小動靜》 小動靜1 －  ironman手勢 o係街上抱住豆豆，豆豆遠處見到佢鐘意或好奇既野就會伸隻手出去作勢捉同摸， 好多途人見到佢伸手都誤以為想同佢地say hi， 其實佢應該係隔空摸野， 好似我話個邊有花花，佢會伸手摸。 小動靜2 －  請人食野 嚴格黎講係「扮」請人食野，自己鐘意既野食會死都捉實唔放，扮俾你食， 之後就收返 隨即仲會擺入自己口，咁古惑，真係唔知邊到學返黎架？ 小動靜3 －  識將物件擺指定位置 豆媽有買小量啟蒙玩具，其中一樣係將個波擺係上面等佢碌落黎，7m開始俾佢玩， 玩咗2個月見住佢學識咗啦，好鼓舞！ 小動靜4 －  拜拜/ shake shake +  誇張 肉緊表情 拜拜係朝早一定同豆豆既說話，有時隻手會興奮fing fing下好搞笑，又會 拎起物件shake shake。有時笑到咪晒眼，我地見到佢個肉緊張真係忍唔住笑埋一份。 暫時都未有扭計唔比我出門口，唔想有呢日發生，一定好唔捨得呢。 小動靜5 － 掉!!乜都掉!! 呢個動作好討厭，唔知幾時豆豆開始將屋企見到既野都拎黎掉，愈掉愈開心⋯！ 上網睇過係因為BB大肌肉開始受到控制，佢地會好開心自己可以將一件物件掉落地， 而且掉落地會發出聲音，又好鐘意睇我地執返起既動作，所以佢地會不停掉去獲取成功感。 Your baby will love to watch as he drops an object then see it get picked up (by you, of course). Your baby isn't trying to annoy you, he just finds the spectacle interesting and naturally wants to see it again and again! https://www.babycenter.in/a725/baby-develop

無論係備孕、產前定產後坐月， 甚至餵哺母乳都需要既補身恩物！ 因為豆媽係緊急開刀剖腹生產，術後康復會較慢，開刀後明顯身體乏力、易出汗同頭暈， 但每日飲滴雞精精神恢復得幾好。 揀雞精我其實幾講究，話晒自己食落肚補身，仲餵母乳，緊係要揀營養豐富好飲而且安全既知名品牌！呢次要分享既係幫我上奶同恢復體力既補身恩物， 同時獲得2018荷花 our 《媽媽寶寶雜誌》最佳孕期滴雞精首選品牌－『老協珍熬雞精』  佢係來自80年台灣迪化街本土老店，以貨真價實、童叟無欺理念， 成為台灣孕媽媽最愛用品牌，咁有心機良心既品牌，前排已經靜雞雞咁打入咗香港市場，香港媽咪有福喇！ 常溫版 一盒有七包，一包42ml，而 冷凍版 一包60ml。 老協珍大約4年前係台灣突然爆紅，原因係《徐若瑄既故事》－來自媽媽既母愛。 唔知大家有冇印象，徐若瑄懷孕三個月時發現胎位過低，必須臥床安胎直至生BB一刻。 徐媽媽為女兒安胎，將熬雞精、燉燕窩由台灣帶到新加坡俾女兒補氣養胎， 而徐若瑄為保護胎兒願意臥床142日，雖然孕期比其他媽媽來得辛苦， 但我相信BB順利出世，健健康康咩都值得呢。 點先可以肥B唔肥媽？ 孕期最擔心就係BB有冇穩步成長但又怕重得太快，肥落自己度。 有朋友問點解豆媽懷孕期都可以咁瘦，以下係小小貼士： 平日多行路小搭車，訓覺前做5分鐘運動或拉拉筋，飲食方面要選擇低GI食物， 早上空肚飲一包 熬雞精，一包只有14大卡，唔肥唔燥熱既！ 『 滴 』 雞精 同 『 熬 』 雞精 有咩分別呢？ 傳統滴雞精用滴既方法只能滴出表面既肉汁既小分子營養，而老協珍研發獨創『熬工法』利用水合作用， 用高溫驅動大小分子萃取出「老母雞」既精華，加入小量「豬腩排」熬出更豐富既蛋白質同胺基酸，唔單止好飲，營養成份價值相對比其他滴雞精品牌高。 一樣都係飲雞精，緊係揀款營養高啲既熬雞精！ 豆媽係孕期及坐月期間時飲用過田原香同王朝，對比過其他台灣品牌，發現老協珍蛋白質係最高，有8.5g。而食物唔超過100毫克都屬低鈉，所以都係合格喔！ 品牌 雞隻 蛋白質 鈉 脂肪 老協珍 第二代老母雞 8.5 100 0 田原香 自然

未買迪士尼美語世界前，只知道套教材好貴，後來經過教育顧問既深入了解先 知道最基礎既basic package係四萬幾， 而以下呢三項自選項目係自由選擇加唔加購既： 1) Fun and Adventures (需要配合點讀筆使用) 2) Q&A Cards  ( 需要 配合Play mate 使用 ) 3) Let's Play  聽完教育顧問既意見， 豆媽加錢買入 Fun and Adventures 同 Q&A Cards。 我諗好多媽媽都有興趣知道入面係咩、值唔值得加錢買、幾時先識玩。 Fun and Adventures算係豆媽最愛既一部份， 入面有4套紫色包裝既活動卡組合， 學習內容好生活化，幾有特式， 活動卡亦好輕便， 不過注意入面有好多細細既配件好易唔見架！ 就等豆媽開箱俾大家睇下入面有咩啦！ 紫色包裝係紙造的，小心整爛！ 第一包：貼貼樂  扮靚 靚 聽點讀筆指示，根據季節同時間去幫Micky/Minnie貼上唔同既衫， 貼紙係可以重覆使用，唔怕玩完冇得再玩啦！ 卡內有Intro、Game、Songs  只要按Game就可以開始搵貼紙架喇， 搵到正確既衫後 會俾小小時間你貼， 貼完先會再叫你搵埋其餘既衫褲。 豆豆而加8個月，見到乜都會撕，呢張貼紙好彩撕唔爛。 第二包： 貼貼樂  Let's Play House! 內含張大型海報，入面有好多日常生活既物件既貼紙，用點讀筆指示去貼上廚房、睡房等等唔同地方既日用品，完成後仲可以放係大型海報上欣賞。 令豆媽覺得最神奇係－－－－ 點讀筆認到邊張貼紙打邊張貼紙，你揀岩咗佢會話good job， 錯咗會再俾提示你再搵過。 呢張大型海報等豆豆大個佢玩完先貼堂吧！ 第 三 包： Puzzle 豆媽大愛 呢十張拼圖！ 佢可以砌到一條長長既列車，每一格都會有一首同Sing along!配合到既歌， 一塊可以學到五樣野：Number、Shape、Colour、Words、Song， 比起市面上買既教材原素多好多！ 設計好精美，大讚！ 拼圖有一定既厚