Mamamanis・湊B日誌

今次呢篇離一離題講下之前屋企裝修既野先！ 第一次擁有自己既家當然想將全部自己鐘意既野放晒落去啦！ 最開心既係，設計上既野，老公都係比我話事😆 入伙單位雖然唔係一手，但都唔舊，廚房同廁所都唔需要大執，
 所以我地將重點放o係傢私同牆身上喇！
 牆身方面，通常有三種選擇 1. 油漆 2. 牆紙 3. 特式牆（木工或水泥） 我地第一樣foul走既係牆紙⋯⋯因為香港既潮濕天氣會好易令牆身發霉， 過多幾年受潮後有機會有滲水或披口既情況， 所以我地最後決定屋企大部份位置都會上油漆，重點位置會做特式牆！ 油漆 油漆最普遍都係乳膠漆。市面上林林種種，價錢亦都有平有貴， 亦都聲稱無甲醛、低VOC。所以最後問左師傅邊隻好， 佢推介本士呢兩個牌子： 立邦、多樂士 兩個牌子質素差唔多，都係無味、可以用濕布清潔，所以我主力揀顏色。 多樂士樣版 最後決定左多樂士既lily white，揀好後就交比師傅買料、批灰、油油既工序喇！ 雖然聲稱話無甲醛，但都怕會殘留有毒、有害物質，所以油完都要打開晒屋企既窗口吹下！ 另外，推介你地買埋呢枝由中大出既「甲醛清」。 佢既成份係益生菌，冇化學成份，可以噴牆身同木製傢俱，噴完等佢自然風乾就得架喇！ 所有新買既傢私我都有噴，雙重保障嘛！ 甲醛清 特式牆 1. 白磚牆（文化石牆） 我一直都想整一幅白磚牆架喇，亦都叫文化石牆。 我鐘意佢夠簡約、襟睇、又有歐式既風格。 但其實最貴既唔係磚，而係師傳既手工，所以我唔可以咁貪心，只係做一個角落⋯ 我揀左電視位置，咁就可以望返夠本啦！ 白色磚我地o係旺角睇過幾次，都只係搵到最普通既款式， 所以我決定淘寶再搵下有冇特式小小既，最後比我搵到呢款！ Size：60x200mm (Image from taobao) 即刻訂左落黎， 磚一到，我就即刻拼落牆望望效果，好滿意！ 雖然運費仲貴過磚，但 so far 香港未見過，所以覺得好 值 ！ 裝修進行中 10% **留意：磚與磚之間要有間距先至靚仔，師傅好醒目，用紅繩隔住，咁就行行

除左BB健康之外，最想知就係性別喇！ 知道仔定囡先可以買BB野買到破產嘛，哈哈！ 如果大家唔做T21/Nifty/羊水測試既話，就要等結構先知道男定女喇！ 網上一直都流傳一份清宮圖，傳聞係清宮時期已經流傳落黎，係用黎預測生男生女既表。 佢根源周易，依照陰陽、五行、八卦的公式推算出黎，有成三百幾年歷史， 信不信由你，但玩下、對下都冇壞既～～ 清宮圖入面 1-12 月係代表懷孕月份， 19-41 代表女性既年齡，以虛齡計算。 虛齡即係將自己歲數加一歲，而懷孕的月份就以最後一次黎Ｍ既第一日作計算～ 但有朋友話唔加一歲先準，以我黎計，真係唔加一歲先準喎！ 大家又睇下自己準唔準啦！ 除左清宮圖，以下流傳都係 陀仔陀女既分別，又有人話胎胎反應唔同， 我係陀囡 ～ 我又分析下係咪堅先！ 陀仔 陀女 準唔準？ 孕吐反應 好小或沒有 懷孕初期較強烈 ❎ 初期多胃氣， 有嘔過，但唔多 胎兒心跳 低於140以下 高於140以上 ✅ 8週心跳真係有超過140 胎動 較激烈，似拳打腳踢 感覺成個身郁動 ✅ 陀女都有腳踢，但成身轉動好似較多 妊娠黑線 又細又長，長到胸口 黑線長但未及胸口 ❎ 黑線冇增長 胸部增大 較小，約大6.3cm 較大，約大8cm ✅ 有大，但幾大就唔識度 😅 飲食喜好 喜愛酸同咸既食物 喜愛甜、辣既食物同愛飲果汁 一半半啦，我而加 鐘意食有汁既野、熱氣野同埋甜品 飲食 大增 不變或更小 因為要增肥，所以比以前食多左少少 肚臍形狀 突起 平平 ✅ 肚臍暫時都係笠，冇突起 體能 做事較勤勞，精神較好 工作懶散，精神較差 ✅ 初期成日都好累，好眼訓 皮膚、鼻型 改變 皮

過完T21同抽羊水既兩大關後，今日就係「照結構」既大日子喇⋯ 可能係比之前既報告練大左個膽，今次冇咁緊張。 照結構係咩檢查？幾時要做？ 照結構一般要係 18至22週 進行。 週數太大會太迫睇唔清楚，週數太細器官未發育完成都唔適合。 上面張圖睇到21週BB位置仲好鬆動，照結構就岩岩好喇！ 照結構基本上同普通產檢差唔多，只係醫生會 檢查胎兒結構及內臟有冇異常。 包括頭骨、腦、眼腔、唇、脊骨、肺、橫隔膜、胃、 膀胱、肚子、臍帶、 四肢同性器官。  醫生一路影一路會解釋照緊咩的，連血液既流動都會睇埋。 胎兒結構性超聲波測試係正常的話， 98% 出世既嬰兒都係健全同健康。 2%係排除非左超聲波以外既野，例如照到有耳仔並唔代表聽力正常等等。 如果照到胎兒有嚴重缺陷，父母可以選擇24週前終止懷孕，過左24週就唔合法架喇！ 政府vs私家分別？ 唔係全部孕婦都有資格係政府醫院照 結構 ，要 視乎邊間醫院同個別情況而提供。 一般高 齡先有得排期照，其他孕婦想照就要係私家book。 但因為我之前份報告有異常，所以醫院都特別安排左結構期比我， 雖然我自己都book左私家照結構，但有得照當然去啦！ 既然我兩度都有份照，當然黎做個比較啦！ 如果你問我，我覺得醫院同私家 照得都一樣好 詳細， 由其係心臟呢D比較複雜既器官，醫院同私家都有慢慢逐個位睇。 所以我覺得係差唔多咋，下面係佢地既分別： 政府 私家 時間 15－30分鐘左右，好視乎BB合唔合作。 4D NO YES 相及報告 NO YES 價錢 FREE 2k – 4k 媽媽界出名既婦產科醫生2017 照結構 價錢 fyi： 劉子健 $3500 孫錫鴻 $2500 張智 $2800 王紹宏 $2900 羅宇帆 $2000 謝喜兒 $1800 ＊＊回想起18-22週呢段時間係媽媽最舒服，因為岩岩適應左懷孕既反應， 肚亦都唔算大，行動自如（可以話係見步如飛）仲係初嘗胎動既時刻～ 所以好適合去一個短途旅行，同另一半去個babymoon享受下＊＊ My Pa