豆豆成長紀錄 Ch.004 7-8m 開始學懂探索世界!

一期一會又黎喇，豆豆過咗半歲後日頭睡眠時間短咗，活動時間長咗，開始感受到佢既百厭同好動！

其實做媽媽都幾予盾，見到仔囡活躍係開心，不過照顧佢真係俾之前更花氣力，佢百厭個陣既行為又會令我好嬲，但當見到佢笑又會好快唔記得咗。

7個月人仔了❤️

而加識企係床邊望實你，又會發出聲撩人玩

等豆媽講下呢兩個月既轉變啦！

1. 出牙嚕～

見證BB出第一隻牙真係太神奇，又係長大其中一樣特徵呢！
根據健康院書仔1歲前出牙時期同次序：

下面門牙6-10個月
上面門牙8-12個月
上側門牙9-13個月
下側門牙10-16個月

豆豆七個月出緊第4隻牙（上下門牙），較書仔早出咗小小，出牙時會有以下症狀：

牙肉腫、流口水、忟憎、鐘意咬野

用青瓜雪凍可以舒緩牙痛，但懶買，所以買咗幾款可以雪凍既牙膠俾豆豆舒緩。

發燒、肚瀉

出下面門牙時，豆豆出現肚瀉，醫生開咗益生菌，因為BB成日亂掂野又擺野入口，會食埋細菌落肚，通常食益生菌都好得返，唔得先會開抗生素。

出上面出牙時，應該係感冒＋吽牙所以燒，食退燒藥、貼退熱貼再加抺身，食完野就俾水佢飲，鼻塞時用薄荷膏可以舒緩。

2. 口腔期～乜都擺入口！

豆豆踏入7個月開始8卦周圍望探索身邊既事物，佢唔知個樣野食唔食得，所以一定要視線範圍內望實佢，因為見到乜都會擺入口。

不強硬阻止，多監察

如果豆豆擺野入口，我都唔會俾太大反應，我會同佢講「呢樣唔食得架」之後攞開，
再俾一樣食得既野佢，例如：牙膠或已清潔既玩具（個樣野係安全、衛生同冇小零件我都會俾佢）過份阻止會對寶寶成長有負面影響。

建立刷牙習慣

出第一隻牙後，夜晚訓前都會俾牙刷佢刷牙，佢會自己拎住當牙膠咁食，而加唔駛用牙膏住，用清水就可以。

3. 6個月後會易病D？

BB 6個月打後母體既抗體開始下降，加上多咗同人接觸同周圍摸完擺入口，細菌咁就食咗落肚，所以6個月後會比較易病。
豆豆肚瀉同發燒都發生係6-7個月度，所以屋企要自備小量平安藥同更多日常用品！

病痛：探熱器、退熱貼、退燒藥、益生菌（止瀉）、薄荷膏（止鼻塞）

推介呢隻Vicks薄荷膏，3個月以上BB可以使用

皮膚：濕疹膏
外出：防蚊膏、防曬霜、扇

屁屁霜、臉霜、濕疹膏

4. 副食進度

1歲前主食都係奶，目前都係埋身，返工時間用樽餵，豆豆係偏細粒，
一次最多食120ml，小側80ml，三個鐘一餐。
出咗四隻牙仔既佢埋身時會咬我，次次都痛到尖叫，有時真係心都痛埋，一黎自己又痛，二黎係佢應該冇心，鬧佢又心痛⋯唯有佢一咬就叫佢唔准，希望佢再大D識聽喇！

豆豆blw雖然開始咗一個多月了，不過我覺得未算好好，佢會經常掉野食，
樣樣都可能會一啖就掉⋯仲特登掉走，掉完仲好開心咁望住你，好似扮食咗咁。

我會經常提醒自己food before 1 is just for fun，一餐唔食唔緊要，
因為而加先係開始，佢仲摸索緊食物係咩黎，遲D佢就明白唔會再掉。

當佢肯食時要俾故勵佢，如果連自己都擺一副厭惡樣加句「你睇，你食到幾污糟？」
好肯定佢會感到錯敗，會唔鐘意食野。

其實食到花臉貓都唔需要太在意，食完清潔就好了！

只要豆豆肯拎起黎食，媽媽都覺得好滿足，食完清潔又如何！

5. 多探索＆見識

豆豆五個月都開始怕陌生人抱，會好認真諗諗佢係邊個，望清楚就會喊，我諗好多BB都會，
亦都係本能黎既，就算有人抱走都知個個唔係爸爸媽媽。

一直都有帶BB出去見多D人，我地都帶咗豆豆去旅行，次次去完都覺得佢大過咗，
雖然未識玩，大過又唔會記得，不過只少你當刻有開心就夠啦！