豆媽媽日誌 Ch.011 我的嬰幼兒產品。必買推介~~

為人娘親半年，買咗唔少嬰幼兒產品，所以今次黎一篇購物分享，將好物分享俾育兒中同各準媽媽~~


**護理篇**
除咗紗巾(抺口水/奶)、綿花(抺patpat)之外，呢度係豆媽覺得非常有用既BB清潔用品！

  • 去頭泥梳+普通梳子
去頭泥梳係軟毛造成，雖然豆豆出世冇頭泥，但佢冇乜頭髮，我會用梳幫佢按摩，按摩可以促進血液循環，快D生頭髮，梳完頭髮唔會攣晒，好貼順。
  • 棉花棒
  1. 肥仔頭棉花棒
    初生寶寶耳背會易積塵，耳內會有黃色分泌，肥仔頭棉花棒唔怕塞得太入，非常好用。
    豆豆而加6個月，會定晒格俾我撩，應該係好舒服呢！
  2. 黏性棉花棒
    呢款最適合初生用黎清潔鼻屎，佢有黏性，好快痴到出黎，減少佢哭鬧既機會。
  3. 極幼棉花棒
    豆豆6個月後就轉用極幼棉花棒清潔鼻屎，一黎平D，二黎佢再幼身D，易撩！

  • 初生指甲剪刀

初生BB指甲好尖，好容易刮損，豆媽覺得指甲剪刀已經足夠，如果剪完覺得仲係尖既話用磨甲棒已經得，唔需要另外買BB版磨甲機。

**清潔篇**

  • 玩具+highchair清潔液
加咗固體食物後，呢枝清潔液就大派用場喇！
食完野豆媽會用黎抺highchair既tray一次，玩具濕唔到水既都會用布吱小小黎抺~
冇酒精，冇香味，iHerb有售！

第一次iHerb買記得用優惠碼
5% off  - AJT9825 (永久生效)
11% off - WCELEVEN (有效期至27 June 10am)
  • 可補充濕紙巾袋
除咗尿片，濕紙巾應該係消耗得最快既野⋯為咗慳小小，豆媽買咗呢個可補充裝既袋，
咁就可以買大包裝濕紙巾補充入去呢個袋用喇！

**防蚊篇**
夏天一到，BB就係蚊蟲既目標，所以豆媽準備咗出街同屋企用既防蚊產品！
  • 防蚊手/腳帶
24小時有效，外型勁cute，係winnie the pooh~~
橡筋質地，大人小朋友都帶到！豆豆手仔細，我會將橡筋拉到上手肶位置！

  • VAPE 電池式驅蚊器
呢部Vape驅蚊器豆媽好推介，係電池式，唔駛再插電使用，開住好靜冇聲，可以帶埋去旅行，最重要係用過之中最有效！


**為食篇**

  • 星星餅
星星餅之中，Happybaby成份最好，用有機蔬菜、可以為寶寶補充所需維生素同礦物質，豆可仲食得好叻，一粒接一粒，iHerb買比P記超市平一半！

第一次iHerb買記得用優惠碼
5% off  - AJT9825 (永久生效)
11% off - WCELEVEN (有效期至27 June 10am)
  • 燕麥糊
糊仔有分純米粉同燕麥糊，怕麥對寶寶敏感就食純米粉先，再試燕麥糊。
豆豆一開頭就試呢隻，開出黎都幾香，冇敏感，鐵質同DHA純米粉高。iHerb有售！

第一次iHerb買記得用優惠碼
5% off  - AJT9825 (永久生效)
11% off - WCELEVEN (有效期至27 June 10am)

  • 點搖都唔跌既膠/竹碗碟
加固後就開始著手揀碗碟俾豆豆，因為我會放手俾豆豆自己攞野黎食，所以一定要搵識得痴實張餐台！

搵咗好多牌子既碟都太大(epzp好靚但可惜擺唔落!)，紫色呢隻碟係美國牌子obb，
碟仲連埋匙勺，放落餐台連自己都好難推甩，obb既size岩岩fit我張餐台，唔駛突晒出黎，
強迫症既我表示好爽！
  • 咬咬樂/吱吱樽
呢個吱吱樽好用，可以擺30ml容量既液體，我會用黎俾佢食糊仔同乳酪。
雖然有時都要幫手吱，但都算食得唔錯，推介推介👍🏻

影片可以入豆媽page睇：Be Manis

  • 防水餐椅套 


防水餐椅套係BLW恩物，防水防污，用黎食飯一流，用黎套住防塵都唔錯，BLW必買！
  • 學習水樽
豆媽買咗鴨咀款，鴨咀頭要係軟身，因為聽其他媽媽話太硬寶寶會怕咗，唔鐘意再飲水。
6個月用鴨咀，7-9個月可以俾飲管款佢飲。

**玩樂篇**

雖然話唔想買咁多玩具俾豆豆，但見佢係屋企爬黎爬去冇野做時會憫，所以都要買小小俾佢消磨下時間。
香港小朋友多有鼻敏感，致感原大多黎自有毛既野，所以最好唔好揀太多毛公仔俾寶寶喇！



  • 牙膠 must!!
豆豆三個月後成日咬野、食手指，牙膠係最好既代替品。因為經常擺入口要經常清潔，買前記得睇下可唔可以高溫消毒，有得高溫消毒係方便好多，擺入蒸機都唔怕。

  • 搖響玩具
揀有聲或者發聲玩具可以用黎測試寶寶眼同耳既發展、影相時可以引到佢望鏡頭。

  • 小玩具
揀D細小小可以拎得到既玩具，玩之餘可以訓練下豆豆既小手肌肉。
  • 顏色配對玩具
呢套係啟蒙玩具，用黎俾小朋友學顏色配對。豆媽揀好多色彩繽紛既玩具，
因為對小朋友眼仔好，好似呢套有張彩虹墊加十幾件細件，好抵玩！

**安全篇**
俾小朋友一個安全環境成長係好重要架，各媽媽唔會等寶寶整親先黎後悔啊！

  • 防撞膠條 
到豆豆四個月就買左一大堆防撞膠條返黎，原來防撞膠都有三種，分別係L、U、W型。
L型最基本，U型俾薄身物件，W型俾圓柱狀物件


豆媽接受唔到色彩繽紛既顏色，所以我都係買返同傢私相類似去配搭。
我特別揀左呢隻突出版L型，更加防撞！最驚喜係連木紋都有，痴上去簡直完全冇違和感！
唯一唔好係佢地配既雙面膠痴唔實，所以另外再買過黎痴。
  • 防撞頭背囊
當初見到呢個設計就一口話多餘、冇用，但當豆豆開始瘋狂咁爬個陣我就諗起呢舊野喇！
特別係佢而加成日突然反身，試過幾次望小一秒就撞落地板度😰



市面最常見係蜜蜂，不過俾我搵到呢款狐狸仔好鐘意~~
當佢再大小小扶住物件企係度個陣一定會失平衝跌落地，揹住感覺安全D，平平地就俾佢玩下都OK既！

希望大家鐘意我既分享，下次再見啦！

FB | https://www.facebook.com/gogomanis/
IG | be.manis
靚太Club | https://wow.esdlife.com/gogomanis
Blogspot | http://ohmamamanis.blogspot.hk/ 
BE Certified Blogger | BE.MANIS

如有任何活動邀請或試用，可以聯絡我：mannis.chan@yahoo.com.hk

留言

發佈留言