Mamamanis・湊B日誌

餵 母乳可以同BB更親密，但 每次塞奶都會好辛苦同沮喪⋯ 由豆豆出世一直都係餵 母乳，我已經 遇過幾次塞奶喇，仲試過 乳線炎 發燒呢！ 點解會塞奶？ 乳房主要係由兩種組織所組成，就係乳腺同脂肪組織。乳線由15-20個小葉同乳管構成， 小葉既末端有腺泡負責分泌乳汁，乳汁經由乳管傳送到乳頭。 塞奶大多數係因為太耐冇泵奶或乳管被脂肪組織（乳頭會出現白點）凝結成乳塊， 令乳線阻塞變石頭胸，青筋 胸， 好硬，模上去一舊舊咁。 當 嚴重 塞奶 時，乳汁既水分、糖分、蛋白質即成為細菌既溫床，就會誘發乳腺炎⋯ 身體會沾寒沾凍、發冷、甚至發燒、全身酸痛，令到你好冇心機， 連抱BB埋心口都會忍忍作痛⋯ 經過我幾次塞奶，由地獄返返上天堂後，都有小小心得分享下，希望幫到塞奶既媽媽⋯ 舒緩塞奶天然5招療法 1. 持續餵哺 BB係我最好既「通乳師」，記住，就算塞奶都要堅持 餵哺，幾痛都會捱過的！ BB比泵奶器啜得更清， 將硬既位置對住BB下巴比佢啜 （就算未到食奶時間都 俾佢啜） 每啜一次都會鬆返小小， 下巴對邊 到 就幫你通邊到， BB唔肯啜既話就要泵出黎。 當然冇可能一次就會好返，塞奶最小都要1-2日先會鬆得返喇！ 2. 適當按摩 當發現塞奶未係好嚴重既時候，就要用手推，由硬塊方向推出乳頭位置， 要輕輕力， 過份用力按壓只會加劇痛楚令乳房組織受傷。 有心機既話就加按摩油推，效果會更好⋯ 3.  沖熱水涼 好多人話塞就要熱敷、凍敷，我覺得效果麻麻地，我寧願去沖個熱水涼， 因為塞奶會沾寒沾凍，明明唔凍都無端端會起雞皮，沖涼絕對舒緩到暫時既痛楚。 同埋要一路沖一路按，嘗試C字手擠奶，如果你成功通到既話，D奶會水柱咁湧出黎！ 4. 多飲水，避免多油高脂食物 母乳係由95%水同5%既蛋白質組成，  想多奶而又唔塞奶既， 記住三個要訣： 多埋身、多飲湯水、 保持清淡 飲食， 向炸雞、薯條say no! 😭 --> 我坐月時飲既發奶湯水 Top3 ： 花生豬腳湯、蓮藕黑豆章魚湯，木瓜鯽魚 / 排骨湯 ＊＊塞奶時可以加通草通乳＊＊ 全日：飲 1-2L 炒米茶或水 早上：一杯熱鮮奶，唔夠精神會飲滴雞精補充體力 出街：水、豆漿、珍

手機不離身係呢個世代既通病，但有時靠佢地紀錄野真係方便同清晰好多既！ 下面推介既手機app真係不得了，除左好好用，仲好多功能， 咁好既軟件俾錢都值，更何妨佢仲要係免費！ 1. 寶寶生活紀錄 呢個就係介面喇！佢可以紀錄： 餵奶次數、份量 （埋身同餵奶樽都得） 換片（噓噓定便便） 訓覺時數 泵奶 打針 體量 觀樂時光（可以加相） 學習（例如學爬行、學行、聽故事） 體溫 食藥 最常用既就係第一項餵奶，豆豆出世後o係醫院已經用， 因為姑娘會問你左右兩邊餵左幾耐， 初生BB一開頭會不停啜，所以自己要計時，餵到夠鐘就轉邊。 奶量多左後，BB可能只需要食一邊就夠飽， 埋身時可以紀錄自己餵左邊邊， 等下次餵返另一邊，兩邊都食可以減小谷奶既情況。 有去健康院既媽媽都知道要帶佢地本簿仔紀錄BB條生長線， 但我都會入埋呢個app，入晒身長、體重、頭圍就會顯示埋BMI值，仲有埋百份比參考架！ 打左咩疫苗都可以記低，所有項目都可以加note。 佢介面有一個summary，一眼睇晒BB既生活狀況，仲有tab可以分類睇，多麼的細心。 Click to download 2. 280 days 呢個app係孕媽媽最愛，因為可以同老公連線，打日記同傳加油訊息！ BB出世後可以keep住用架，而加我仲有用黎紀錄豆豆成長既一點一滴。 Click to download 希望大家鐘意我既分享，我facebook page不定期更新豆豆成長，下次再見啦！  My Page to follow |  https://www.facebook.com/gogomanis/ Esdlife Blog |  http://wow.esdlife.com/space.php?uid=87788

豆豆未出世個陣豆爸已經申請左去馬來西亞考試， 難得今次幫豆豆申請得切passport， 兩個月人仔就挑戰搭飛機， 陪豆爸黎個四日三夜既小旅行啦！ BB出國前要準備 機票（機票係計原價既10%，要打去hotline買） 身份證+護照 （電話預約要等兩個星期，最快係直接去入境處拎籌即日申請等兩星期左右可以取證。） 旅行前一晚先黎執喼，一執發現要帶好多野，差唔多霸左半個喼⋯ 呢張圖證明到湊佢係幾咁混亂，幾咁「呢hea」😂 OK，睇完當時有幾混亂，而加就開喼比你地睇我帶左咩過去啦！ ＊＊衫褲類＊＊ 馬來西亞當地天氣炎熱，日日都30+度，同香港好大分別， 長同短都要執，因為怕冷氣地方都會凍親。 短袖衫 ＠四件 短褲 ＠二條 口水肩 ＠四條 外套  @一件 （冷氣地方用） 帽 ＠一頂 （冷氣地方用） 睡袋 @一件 （訓覺 用 ） 紗巾被 @一件（ 訓覺 用 ） 長袖衫 @二件 （返香港著） 酒店凍到要著褸，入面係短衫短褲。 ＊＊清潔用品＊＊ 沖涼液 ＠一枝 毛巾   ＠一條 （ 沖涼 用 ） 護膚露 ＠一枝 洗衫液 ＠一枝 尿片  ＠ 預一日8片 濕紙巾 ＠一包 屁屁霜  ＠一枝 隔尿墊 ＠一張 （舖床訓，防嘔奶） ＊＊餵食用品（人奶區）＊＊ 餵人奶係一巾走天涯，只要唔怕羞隨時隨地都可以餵⋯ 餵奶巾 ＠一條 乳墊 ＠六片 奶泵/接奶神器（谷胸時泵） 奶樽（預BB食唔切可能要泵出黎餵） 紗巾 ＠八條 ＊＊其他＊＊ 初生揹帶  溫度計 ＠一個 蚊怕水/蚊扣 ＠一枝/個 風扇＠一把 BB枕頭 ＠一個 初生揹帶 ＠一條 買機票個陣職員已經安排好座位比我地，係最前一行。 有塊版可以放落黎擺baby basket，但因為豆豆扭計唔肯自己訓，所以我地冇要到喇！ 坐前面較闊落 坐低後空姐會比條2歲以下用既安全帶你，用黎扣住大人條安全帶再扣住BB條腰。 空姐到時會教點用既～ 兩歲 以下 專用安全帶 Done，Ready to fly~~~~ 因為豆豆冇安撫奶咀，所以佢扭計成架機都會聽到，但只可以坐o係座位上哄佢， 安撫佢⋯ 可能係氣壓既關係， 上落機扭計比較嚴重，好不容易佢訓著左喇⋯⋯⋯ 終於可以