Mamamanis・湊B日誌

初生BB除左食同訓外，就係柯，一日換至少8條濕片架（餵人奶會比奶粉更多便便）⋯ 計計下由出世到而加咪已經換左三百幾次😱😱 但換片唔怕 多 ， 最怕係揀唔岩size既尿片！ 太細會 箍到大脾成個印， 太大脾位鬆又會爆屎，一日爆幾次洗衫清潔都忙到你暈！ 我收集既片片唔多，暫時試左既牌子有Huggies, Pampers Ichiban, Merries, Fitti 今次等豆豆做埋patpat model試比大家睇😏 先影張大合照睇下佢地size既分別： 全部試用牌子都有尿濕顯示線，條線由黃轉左藍色就代表有尿尿 1。 幫寶適- Pampers 豆豆一出世醫院就幫佢用pampers Ichiban既NB碼，佢地既NB係適合0-5kg，即係超細B都岩喎？ 當時豆豆出世6磅，攬落係大左小小，但又冇爆過片喎，係最初我攬得唔好會則漏情況， 之後每次都撩返兩邊片既邊邊出黎就冇爆過喇！ pampers Ichiban (NB初生) 摸上去幾通 爽 吸濕 ★ ★ ★ ★ ☆ 質地 ★ ★ ★ ★ ★ 圖案 ★ ★ ★ ★ ☆ 喜愛 ★ ★ ★ ★ ★ Pampers BB展免費 尿片 試用裝傳送門:   https://goo.gl/Kvb7LD 2。 好奇- Huggies Huggies既片片size比其他牌子多 ，佢有比NB更細既尺 寸，係我用過最細既片片。 我收到JB( 0碼 )、 NB(初生1碼) 、S(細碼) 既sample。 JB用過一片，出世頭兩個星期拆左黎試，根據體重豆豆應該岩攬既， 但可能用開Pampers NB碼， 感覺好細條， 可能太細條既關系，個次真係爆左片⋯ **因為而加已經唔岩著，第一次攬又冇影相，所以冇模特圖喇～😆** JB唔岩就開左NB碼黎試，Huggies NB 比pampers NB細小小， 係幾岩身， 但 脾位有小小緊，會 箍到有小小印。 NB(初生1碼)  吸濕 ★ ★ ★ ★☆ 質地 ★ ★ ★ ☆☆ 圖案 ★ ★ ☆ ☆ ☆ 喜愛 ★ ★ ★ ☆ ☆ S碼相對NB大，適合4

由於好多媽媽話第一胎好大機會會過期居留， 就算作動後都要痛十幾個鐘先生得出， 所以37週後足月後，已經唔係早產兒 可以隨時出世， 38週放埋產假更加用盡所有方法引佢出黎，好似： - 砌好BB床（迷信野話砌左BB就會出黎喎？） - 飯後行30分鐘 - 訓前30下深蹲 飲食方面，我每日都揀一樣糖水黎清胎毒： - 臭草綠豆沙 - 腐竹糖水 - 龜靈膏 - 芝麻糊 - 椰青水 **出面買既糖水比較甜， 我鐘意自己煲，可以控制甜度。** ** 產前紀錄 ** 37週6 ・ 12月8日 ・ 倒數 10 天 產假我冇偷懶架，成個孕期我都有 洗衫、熨衫、煮飯， 今晚個肚又好似大左，不過都係38吋，感覺陀得低左小小。 39週0 ・ 12月16日 ・倒數 2 天 今 朝右邊肚陰陰痛，成日諗如果真係陣痛自己頂唔頂得順架？ 我一話痛，老公就會笑咪咪問：「豆豆，你係咪要出黎喇？」 我痛佢就表示興奮囉，變態！😂 39 週2・ 12月17日 ・倒數 1 天 今日屋企提早做冬，好多親戚都話我精神，唔似有左，個肚唔突😅 乜大肚比人既印象真係要口腫面腫先得？ ** 生產紀錄 ** 39週2・ 12月18日 6點 ・ 倒數 0 天 5 小時 夜晚發夢自己見紅，紮醒左諗住去個廁所再大覺訓⋯ 點知一抺～ 有粉紅分泌！ 我 真係見紅！！ 即時大叫： 「我。見。紅。呀！😱😱」 但我見未有肚痛，叫老公唔駛理我訓下先，我就慢慢執埋個走佬袋喇！ 一個鐘後開始有小小M痛既感覺，但唔強烈既， 諗住淡淡定上返床訓多陣⋯ 但一上床都係驚 驚 青怕自己會穿水， 所以打比主診醫生， 點知佢叫我即刻入院⋯ 入院前各媽媽都叮囑要去沖涼先， 所以我享受埋最後一次既淋浴先出門口， 個日起就正式同生水暫別⋯ 12月18日 7時30 ・ 倒數 0 天 3.5 小時 沖完涼執好野就出發去醫院，好彩我係朝早見紅，老公仲未返工可以楂車車我去醫院， 比我相像要自己call車入院感覺好好多！ 坐車期間隔幾分鐘個肚就痛一次，程車同老公有講有笑，仲對錶再加十幾粒鐘， 睇下BB係咪一定今日內一定會出到世。 因為我陣痛仲係好初期，所以我係 施施然 做入院手續同入產房既， 入產房前