Mamamanis・湊B日誌

得知懷孕後，就開始了解孕媽媽每個階段要經歷既關口， 簡單黎講有四大關要過： 第一關 唐氏 DNA 篩查 第二關 結構 第三關  血糖及口服葡萄糖耐量試驗 第四關 B鏈 先講第一關， 無論你o係醫院排期做Oscar或者私家做T21/Nifty， 佢 都係一個非侵入性檢測， 呢項檢測係屬於自願性質， 只需要抽孕媽媽既血就可以做到呢個 篩查 。 NIFTY, T21, OSCAR 1. 醫院做法 (Oscar) 當你拎左懷孕證明去排醫院後， 醫院會安排你大約 第11至13週做 唐氏綜合症篩查 ， 亦叫做 Oscar， 檢測既準確性80-90%左右。 **要盡早登記，如果太遲只能夠安排中期 唐氏，準確度會降低。** 早期 篩查 會係利用超聲波量度胎既頸皮厚度（BB 頸後透明帶既空間） 加上準媽媽年齡同血清指數黎評估BB唐氏綜合症的風險。 篩查 範圍：「唐氏綜合症」(T21) 、「愛德華氏綜合症」(T18)、「巴陶氏綜合症」(T13) 鼻骨同 頸皮帶 另外醫生亦會係超聲波下睇埋BB有冇鼻骨同其他早期結構有冇異常。 頸皮厚度正常值參考： 11週1.2mm 12週1.5mm 13週1.7mm 14週1.9mm 11-14週既胎兒頸皮厚過2.5mm會被懷疑有問題。 篩查報告顯烈為 陽性（高危）的話， 醫院會兩個星期內通知準媽媽。 陰性（低危）就唔會作另行通知架喇！ 強調一下，呢個只係篩查， 唔係100％準確架，如果顯示你屬高危亦未必係有問題的， 去確定BB係咪100%染色體異常，可以考慮進行 羊膜穿刺或者絨毛檢查 。 2. 私家診所做法 (T21/Nifty) 現時私家 最普遍 做既基因檢測有T21同Nifty， 懷孕滿10週以上既血液先有足夠既胎兒染色體用黎進行分析，所以 10-13 週做會最準確， 準確性99%左右。 篩查 只需要抽準 媽媽 既 10ml血用黎化驗， 報告亦會顯示埋BB既性別。 篩查 範圍：T21、T18、T13、性染色體異數相關資訊以及微缺失 、 症候群等 既基因病變。 咁Oscar、T21同NIFTY有咩分別？ 下面兩張單張係診所醫生講解個陣派比我既， 主要解釋返政府既唐氏綜合症係只包括 T21 、T18、T13，

產前超聲波檢查係運用高頻音波產生影像，冇輻射，非常安全， 所以大部份媽媽都好期待，因為可以係透過超聲波同BB「見面」， 但其實次次我都當係BB一個測驗黎架！ 超聲波主要有4大種： 1. 2D 平面既黑白影像，2D超聲波除左用黎預測產期、量度心跳同成長速度， 仲會用黎評估唐氏綜合症風險、檢查器官骨骼生長情况、胎位等等！ 2. 3D 立體影像，可以清楚見到BB既外觀，可以輔助2D既不足。 孕媽媽要有足夠羊水同BB合作先可以清楚照到架！ 3. 4D 立體動態影像，基本上同3D冇分別，分別就係4D可以影到每秒高達8至16張影像，可以好似影片咁播出黎。 4. HD 新技術，暫時香港仲未普及。 
 超聲波係唔同週數既用途： 
 12 週前 ：檢 查 胎位有 冇 宮外孕，計算預 產 期 11 至 13 週 ：評估唐氏風險（度頸皮，做 Oscar/T21/Nifty ） 18 至 22 週 ：觀察各器官，數下手指 腳 指齊唔齊（照結構） 35 至 37 週 ： BB 頭轉向下（ 37 為足月，確保可順 產 ） 私家醫生照超聲波既時候都會解釋比你知 BB 既情況， 亦會 o 係你懷孕唔同階段用胎兒唔同既位置去測量 佢 既 size 正唔正常， 而且會將所有超聲波相入落 USB 或印落 A4 紙比返你做 record 。 但有時拎返 Report 出黎睇，見到堆英文縮寫就 R 晒頭⋯ 超聲波右下角會有醫生度既數據 由其係做結構既時候，超聲波相會放大BB需要度既位置，真係 完全唔記得 佢 係度緊咩⋯⋯ 下面呢個表就幫到手喇！ 檢 查 項目 GA 胎兒週數 GS 胎囊大小 ( 前期 ) CRL 頭頂到臀的長度 ( 測量坐高 ) Presentation 胎位 Fetal Heart Beat 胎心音 Location Of Placeta 胎盤位置 BPD 雙頂 徑 OFD 頭前後徑 HC 頭圍長